Хорватия терма жамоаси ва Мадриднинг “Реал” клуби ярим ҳимоячиси Лука Модрич фаолиятини якунлаш ҳақидаги саволга жавоб берди.
“Ҳозир нафақага чиқиш ҳақида гапиришнинг вақти эмас. Мен абадий футбол ўйнашни хоҳлайман, лекин бунинг иложи йўқлигини биламан. Нафақага чиққанимни эълон қилишим керак бўлган кун келади — ҳозир бу қачон содир бўлишини билмайман”, — дея Модричнинг сўзларини келтиради Мадрид Хтра ижтимоий тармоқларда.
Маълумот учун, Хорватия терма жамоаси Евро—2024 гуруҳ босқичининг 3 турида 2 очко тўплаб, 3-ўринни эгаллади.
Эслатиб ўтамиз, Лука Модрич 2012 йилдан бери “Реал”да ўйнаб келмоқда. Ўтган мавсумда хорватиялик футболчи “Реал Мадрид” сафида барча турнирларда 46 та ўйинда қатнашиб, 2 та гол ва 8 та голли узатмага муаллифлик қилган.
Transfermarkt порталида берилган маълумотларга кўра, “Лос-Бланкос” футболчисининг бозор қиймати 6 миллион еврони ташкил қилади.
Изоҳ (0)