Қатар спорт расмийлари хорватиялик футболчи Лука Модрични ўз чемпионатида кўришни хоҳламоқда. Улар Саудия Арабистони Про Лигасига жиддий рақобат кўрсатиш мақсадида юқори даражадаги футболчилар билан шартнома имзолашни истамоқда ва “Реал” футболчиси ҳам ушбу рўйхатдан жой олган.
Ҳозирда Қатар лигасида Хоселу, Давид Гарсия, Родриго Морено ва жаҳон чемпиони Хави Мартинес каби таниқли футболчилар тўп сурмоқда. Модрич эса ҳали Мадриднинг “Реал” клуби билан амалдаги шартномасини узайтирадими — номаълум. Бироқ футболчининг пул учун чемпионатни ўзгартириш истаги йўқлиги айтилмоқда.
Эслатиб ўтамиз, икки йил аввал Модрич Саудия Арабистонининг “Ал-Аҳли” клубидан тушган таклифни рад этган эди. Шу боис таниқли мутахассислар 39 ёшли ярим ҳимоячини Осиё қитъасига келишига ишонишмаяпти.
Маълумот учун, Модирч жорий мавсум Ла Лига доирасидаги 29 ўйинда майдонга тушиб, ўз ҳисобига 2 та гол ва 4 та ассист ёздириб қўйган. Унинг мадридликлар билан шартномаси 2025 йилнинг ёзида якунига етади.
Изоҳ (0)