Футбол бўйича Испания Ла Лигасининг 11-турида «Реал» 22 октябрь, шанба куни «Севилья» билан баҳс олиб борди.
Учрашув Лука Модричнинг голи билан бошланди. Хорватиялик футболчи 5-дақиқада ҳисобни очди. 54-дақиқада Эрик Ламела ҳисобни тенглаштирди. 79-дақиқада Лукас Васкес, 81-дақиқада эса Федерико Вальверде мадридликларнинг навбатдаги голлари муаллифига айланди.
«Қаймоқранглилар» ушбу ғалабадан сўнг очколари сонини 31 тага етказиб, мусобақа пешқадамлигини мустаҳкамлади. «Севилья» эса 10 очко билан 14-поғонадан жой олди.
Ла Лига
11-тур баҳси
22 октябрь, шанба
«Реал» – «Севилья» 3:1
Голлар: 1:0 – 5 Модрич, 1:1 – 54 Ламела, 2:1 – 79 Васкес, 3:1 – 81 Вальверде.«Реал Мадрид»: Куртуа, Карвахаль (Васкес, 77), Алаба (Начо, 86), Милитао, Менди (Рюдигер, 77), Модрич (Асенсио, 77), Кроос, Тчуамени (Камавинга, 65), Вальверде, Винисиус Жуниор, Родриго.
«Севилья»: Буну, Монтел, Гудел, Маркао Тейшейра, Теллес, Ракитич (Рафа Мир, 76), Оливер Торрес (Гомес, 69), Жордан, Навас (Кармона, 67), Иско (Дилэйни, 76), Ламела.
Огоҳлантиришлар: Жордан (28), Монтел (32), Тчуамени (37), Гудел (66), Гомес (90).
Изоҳ (0)