Футбол бўйича Испания Ла Лигасининг 36-туридан ўрин олган «Реал» ва «Леванте» жамоалари ўртасидаги баҳс 12 май, пайшанба куни бўлиб ўтди.
«Сантьяго Бернабеу»да ўтган баҳс мезбонларнинг 6:0 ҳисобидаги ғалабаси билан якунланди. «Қироллик клуби» сафида Винисиус Жуниор ҳет-трик муаллифига айланди, Ферлан Менди, Карим Бензема ва Родриго ўз номига биттадан гол ёздириб қўйди. Лука Модрич эса 3 та голга ассистентлик қилди.
Шу тариқа муддатидан аввал чемпионлик масаласини ҳал қилган «Реал» сўнгги, 20-ўринда (29 очко) бораётган жамоани тор-мор келтирди ва қуйи лигага равона қилди. Мадрид клуби келаси ўйинини 15 май куни сафарда «Кадис»га қарши ўтказади.
Ла Лига
36-тур баҳслари
12 май, пайшанба
«Реал» – «Леванте» 6:0
Голлар: 1:0 – 13 Менди, 2:0 – 19 Бензема, 3:0 – 34 Родриго, 4:0 – 45 Винисиус Жуниор, 5:0 – 68 Винисиус Жуниор, 6:0 – 83 Винисиус Жуниор.«Реал»: Куртуа, Начо (Хила, 82), Вальехо, Менди, Модрич (Петер, 75), Вальверде (Кроос, 75), Камавинга, Васкес, Бензема (Йович, 75), Винисиус Жуниор, Родриго (Мариано Диас, 62).
«Леванте»: Карденас, Мирамон, Касерес (Кампанья, 39), Постиго, Робер (Везу, 77), Сон, Радоя (Барди, 39), Мелеро (Кантеро, 57), Пепелу, Моралес, Дани Гомес (Рохер Марти, 57).
Огоҳлантиришлар: Камавинга (43), Рохер Марти (65), Модрич (69).
Изоҳ (0)