“Манчестер Сити” бош мураббийи Хосеп Гвардиола 2025 йилги Клублар ўртасидаги Жаҳон чемпионати 1-тури олдидан ўз фикрларини билдириб ўтди.
Мураббий турнирнинг аҳамияти ва жамоанинг мақсадлари ҳақида қуйидагича изоҳ берди:
Бу жуда муҳим мусобақа. Бутун дунё энг кучли жамоаларнинг иштирокини катта қизиқиш билан кузатмоқда. Биз бу мусобақада ғалаба қозониш учун астойдил ҳаракат қиламиз. Бу биз учун катта мақсад ва масъулият.
2025 йилги Клублар ўртасидаги Жаҳон чемпионати 14 июнь куни старт олди. “Манчестер Сити” Г гуруҳида БААнинг “Ал-Айн”, Марокашнинг “Видад” ва Италиянинг “Ювентус” жамоалари билан беллашади. Клуб илк ўйинини эртага, 18 июнь куни Марокашнинг “Видад” жамоасига қарши ўтказади.
Эслатиб ўтамиз, “Манчестер Сити” Англия Премьер Лигасининг сўнгги мавсумини учинчи ўринда якунлаган эди.
Изоҳ (0)