“Манчестер Сити” “Флуминенсе”ни тор-мор этиб, клублар ўртасидаги жаҳон чемпионига айланди

Футбол бўйича Клублар ўртасидаги Жаҳон чемпионати финалида “Манчестер Сити” 22 декабрь, жума куни “Флуминенсе” билан баҳс олиб борди.

Учрашувнинг илк дақиқасидаёқ Хулиан Алварес ҳисобни очди. Натан Акенинг узоқдан берган зарбасини Бразилия клуби дарвозабони қайтарди, қайтган тўпни эса Алварес дарвозага жойлаб қўйди. 27-дақиқада Нино ўз дарвозасини ишғол қилиб қўйди. Биринчи бўлим 2:0 ҳисобида якунланди.

Иккинчи бўлимда “шаҳарликлар” яна гол урди. 72-дақиқада Фил Фоден ҳисобни йириклаштирди. Ўйин охирида Хулиан дублни расмийлаштирди. Учрашув Пеп Гвардиола шогирдларининг 4:0 ҳисобидаги ғалабаси билан якунланди.

Шу тариқа “Манчестер Сити” 2023 йилги клублар ўртасидаги жаҳон чемпионати ғолибига айланди.

Клублар ўртасидаги ЖЧ

Финал

22 декабрь, жума

“Манчестер Сити” (Англия) — “Флуминенсе” (Бразилия) 4:0

Голлар: 1:0 – 1 Алварес, 2:0 – 27 Нино (автогол), 3:0 – 72 Фоден, 4:0 — 88 Алварес.

“Манчестер Сити”: Эдерсон, Уокер, Стоунз (Гвардиол, 75), Рубен Диаш, Аке (Бобб, 81), Льюис (Ковачич, 61), Грилиш, Бернарду Сильва, Родри (Аканжи, 74), Фоден (Матеуш Нунеш, 81), Алварес.

“Флуминенсе”: Фабио, Самуэл Шавер, Нино (Марлон, 74), Мело (Диого Гойяно, 61), Марсело (Гомес да Коста, 61), Гансо (Винисиус Лима, 60), Арьяс, Мартинелли, Андре, Кано, Кено (Жон Кеннеди, 46).

Огоҳлантиришлар: Марсело (57), Гомес да Коста (68), Жон Кеннеди (84).