Хорватиялик марказий ҳимоячи Йошко Гвардиол 2024/25 йилги мавсум якунларига кўра “Манчестер Сити”нинг энг яхши футболчиси деб эътироф этилди. Бу ҳақда клуб матбуот хизмати хабар берди.
23 ёшли футболчи ўтган мавсум барча мусобақалар доирасида 53 та ўйинда майдонга тушиб, 6 та гол уриб, 2 та голли узатма амалга оширди. Унинг клуб билан шартномаси 2028 йилгача амал қилади.
Англия Премьер Лигасининг якунланган мавсумида Хосеп Гвардиола бошчилигидаги “Манчестер Сити” 38 турда 71 очко жамғариб, турнир жадвалида учинчи ўринни эгаллади ва кейинги мавсум учун УЕФА Чемпионлар Лигаси йўлланмасини қўлга киритди.
Маълумот учун, 15 июнь куни АҚШда старт оладиган Клублар ўртасидаги Жаҳон чемпионатида “Манчестер Сити” Г гуруҳида иштирок этади. Инглиз клуби мазкур турнирда Бирлашган Араб Амирликларининг “Ал-Айн”, Марокашнинг “Видад” ҳамда Италиянинг “Ювентус” жамоаларига қарши майдонга тушади.
Ушбу мусобақа “шаҳарликлар” учун янги мавсум олдидан муҳим синов вазифасини ўтайди.
Изоҳ (0)