Клублар ўртасидаги ЖЧ. “Манчестер Сити” Япония клубини йирик ҳисобда мағлуб этиб, финалга йўл олди

Футбол бўйича Клублар ўртасидаги Жаҳон чемпионати ярим финалида “Манчестер Сити” 19 декабрь, сешанба куни “Урава Ред Даймондс” билан баҳс олиб борди.

Биринчи бўлим сўнгида японияликлар футболчиси Мариус Ҳойбротен ўз дарвозасини ишғол қилди.

Иккинчи бўлимнинг бошида “шаҳарликлар” ҳисобни ишончи кўринишга олиб келди. 52-дақиқада Матео Ковачич дарвозани аниқ нишонга олди. Орадан 7 дақиқа ўтиб, Бернарду Сильва ўйиндаги учинчи голга муаллифлик қилди. 

Қолган дақиқаларда дарвозалар дахлсизлиги сақланиб қолди ва Пеп Гвардиола шогирдлари 3:0 ҳисобида ғалаба қозониб, финалга йўл олди.

Иккинчи ярим финалда “Флуминенсе” “Ал-Аҳли”ни 2:0 ҳисобида таслим этганди.

Шу тариқа “Манчестер Сити” ва “Флуминенсе” клублар ўртасида жаҳон чемпиони бўлиш учун кураш олиб боради.

Клублар ўртасидаги ЖЧ

Ярим финал

19 декабрь, сешанба

“Урава Ред” (Япония) — “Манчестер  Сити” (Англия) 0:3

Голлар: 0:1 – 45 Ҳойбротен (автогол), 0:2 – 52 Ковачич, 0:3 – 59 Бернарду Сильва.

“Урава Ред Даймондс”: Никикава, Ҳойбротен, Шолс, Акимото, Ивао (Сибато, 78), Коизуми (Наказима, 64), Ито (Огивара, 57), Окубо (Схалк, 57), Ясуи, Секине, Канте (Линссен, 64).

“Манчестер Сити”: Эдерсон, Уокер, Аке, Аканжи (Гвардиол, 65), Фоден (Алварес, 65), Стоунз (Серхио Гомес, 77), Грилиш, Ковачич, Родри (Филлипс, 77), Бернарду Сильва (Бобб, 64), Матеуш Нунеш.

Огоҳлантиришлар: Аканжи (24), Матеуш Нунеш (83).