Шаҳзода Гарри қироллик мажбуриятларини бажаришдан бош тортиб, АҚШга кўчиб ўтганидан сўнг, акаси билан муносабатлари тез-тез бузила бошлади. Бундан ташқари, Уилям Меган Марклни ёқтирмайди, у укасининг ҳаётидаги муаммолари унинг пайдо бўлиши билан бошланганига ишонади.
“Гарри унинг кўз ўнгида бутунлай бошқа одамга айланиб қолди. Ишонч билан айтиш мумкинки, Уилям содир бўлган воқеада Меганни айблайди. У ҳеч қачон уни кечирмайди”, дейилади аноним манбада.
Яқинда Гарри акаси ва отаси билан ярашишни хоҳлашини айтди. Қироллик оиласи мухлислари бунинг имкони борми ёки йўқми, деган саволни қизғин муҳокама қилишмоқда. Шундай қилиб, инсайдерлар Сассекс герцоги оиласи билан муносабатларни тиклаш учун нима қилиши кераклигини айтишди — Уилям унга қатъий талаб қўйди.
“Меган бор экан, Уилям Гарри билан ярашиш имкониятини умуман кўриб чиқмайди. Гарри учун вазиятни ўзгартириши мумкин бўлган ягона нарса — укасининг Меган билан ажрашишидир. Шунда Уилям уни қироллик оиласига қайтариши мумкин”, дейди инсайдер.
Уилямнинг фикрига кўра, унинг укаси Маркл билан бахтсиз, аммо ҳеч қачон у билан ажраша олмайди, чунки у ўз оиласини хотинига алмаштириб, аёли билан АҚШга кетиб, хато қилганини тан олмайдиган ўжар инсон. Бўлажак қирол бир кун келиб Меган Гаррини ташлаб кетиши мумкинлигига ишонади.
Миш-мишларга кўра, Карл III 80 ёшга тўлгандан кейин тахтни тўнғич ўғлига топширади. Бироқ монархнинг соғлиғи ёмонлашган тақдирда, бу аввалроқ ҳам содир бўлиши мумкин. Ва аллақачон маълумки, Уилям биринчи навбатда Гарри, Меган ва уларнинг фарзандларини барча унвонлардан расман маҳрум қилмоқчи. Бундай қасос унинг обрўсига салбий таъсир кўрсатиши мумкин, аммо бу уни энди ташвишлантирмайди.
Бўлажак монарх бундай қатъий қарорни яна Маркл туфайли қабул қилди. У эри билан Америкага кетишидан олдин, қиролича Елизавета II уларга пул ишлашга уринишда ўз унвонларидан фойдаланмасликлари кераклигини айтди, чунки бу қироллик протоколига зид эди. Дастлабки бир неча йил давомида Меган ҳақиқатан ҳам қироллик оиласи ҳақидаги барча эслатмалардан қочди. Аммо у яқинда қироллик унвонидан фойдаланиш ажойиб маркетинг усули эканини тушунди. Аввалига Маркл интервьюда ўзининг, Гаррининг ва болаларининг қироллик регалиялари (нишонлари) борлиги ва бу оилани бирлаштиришини ёқтиришини тан олди ҳамда ҳужжатларни Сассекс герцоги деб имзолай бошлади.
Бундан хабар топган Уилямнинг ғазаби қайнаб кетди. Бўлажак қирол нафақат Гарридан, балки Карл III дан ҳам ғазабда, чунки у ҳали ҳам кенжа ўғли ва унинг оиласини унвонлардан маҳрум қилмаган.
Изоҳ (0)