«Атрофдагиларнинг гап-сўзлари эътибор беришингизга арзимайди». Уэльс маликаси Кейт Миддлтон камситилишлар билан қандай курашгани ҳақида

Инсон ҳаётида ҳеч бўлмаганда бир марта бўлса ҳам ғийбат, қоралаш ва буллингга дуч келади. Кейт Миддлтон буларнинг барчасини бошдан кечирганини ва натижада қимматли сабоқ олганини ҳамма ҳам билмайди, деб ёзади The Voice Mag.

Кейт Миддлтон бутун дунёдаги миллионлаб аёллар учун намунадир. Кимдир герцогиняни жуда омадли аёл, унинг учун ҳамма нарсани амалга ошириш осон, деб хато ўйлайди. Чунки чиндан ҳам бундай эмас.

Масалан, шаҳзода Уильямнинг рафиқаси ҳам ҳақорат, ғийбат ва масхара нима эканини яхши билади. Аммо у буларнинг барчасига дош бера олган ва энди буни бошқалар билан баҳам кўришга тайёр.

Буллинг билан курашиш керак, уни шунчаки қабул қилмаслик лозим

Кейт Миддлтоннинг мактаб йилларини бахтли ўтган дейиш қийин. У 13 ёшида бошқа мактабга келганида у ердаги қизлар икки йилдан буён бирга ўқиётган эди. Бундан ташқари, Кетрин интернатда ётиб қолмасди, уйига қайтарди. Бунинг учун у синфдошлари томонидан тез-тез таъқиб қилинди. «Ҳамма энг зўр, энг кучли ва энг гўзал бўлишни хоҳларди. Кейт бошиданоқ у ерда ўзини бахтсиз ҳис қилган», — деди Кембриж герцогинясининг мактабдаги дўсти Эмма Сейл.

Синфдошлари Кетриннинг бўйи жуда баландлиги учун кулар эди. Кейт учун эса ушбу муаммони мустақил ҳал қилиш қийин кечган ва у бу ҳақда ота-онасига айтган. Майкл ва Керол дарҳол ҳужжатларни олиб, қизларини бошқа таълим муассасасига ўтказди. Миддлтон учун эса бу ҳолат сабоқ бўлди: ҳеч бир инсон ўзига нисбатан бошқа биров баҳо беришига йўл қўймаслиги керак. Ўша воқеадан кейин у буни одатга айлантирди.

Ғийбат эътибор беришга арзимайди

Албатта, ҳар бир инсон ҳаётида камида бир марта бўлса ҳам ғийбатга дуч келган. Тасаввур қилинг-а, бу жамият орасидаги шахс учун қандай таъсир қилади? Қироллик аъзоларининг ўзлари шахсий маълумотларни оммавий ахборот воситалари ва одамлар билан баҳам кўришни истамаслигини ҳисобга олсак, одамларда бир қанча тахмин бор.

Масалан, 2015 йилда шаҳзода Уильямнинг собиқ севгилиси Жессика Крейг ундан ҳомиладор экани ҳақида миш-мишлар тарқалди. Маълум бўлишича, герцог Мадриддаги матбуот анжуманида бўлганида, уни Жессика билан бирга кўришган. Бу шунчаки дўстона учрашувми ёки бошқа нарсами номаълум, бироқ қиз бир неча ой ўтгач, унинг тўйида иштирок этганидан сўнг ОАВ Британия тахти меросхўрининг ноқонуний фарзанди ҳақида гапира бошлади.

Кейинчалик Уильям кўп маротаба ишқий муносабатлар борасида миш-мишларга кўмилди, аммо Кейт турмуш ўртоғи ҳақидаги ғийбатларга ишонмади. Нега? Уларнинг ҳеч қандай исботи йўқ эди, у эрига ишонади, чунки уни бундай пасткашликка мойил деб билмайди.

Табассум қилишдан қўрқманг

Қироллик оиласи хатти-ҳаракатлар ва ҳис-туйғуларни ифодалашда вазминликни талаб қилади. Бироқ Кетрин кўпинча бу қоидадан четга чиқади. У ўзига пальтосида бейсбол ўйнашга ёки оғзини катта очиб кулишга рухсат беради. Кўпинча у ҳазил қилади, бу уни янада жозибали кўрсатади, лекин бемаъни эмас. Кембриж герцогиняси ўз ҳис-туйғуларини табиий равишда ифода этади. Эҳтимол, унинг айнан шу хислати унга бутун дунёдаги одамларнинг севгисини қозонишга ёрдам берган.

Ўз-ўзини тафтиш қилиш — бу ўрганиш керак бўлган истеъдод. Шунда одамлар сизга эътибор қаратади ва ҳар қандай вазиятда ўзингизга нисбатан ишонч ҳосил қиласиз.