Шаҳзода Гарри ва америкалик собиқ актриса Меган Маркл турмуш қуриши маълум бўлгач, турли хил ижтимоий мавқе ва табақага эга бўлган икки шахс ўртасидаги никоҳ кўпчилик томонидан қораланди. Чунки бўлажак қиролнинг укаси Гарри зодагонлар оиласидан уйланиши керак эди.
Аслида, аристократларга ёки қироллик оилаларига келин бўлган модел ва актрисалар кўп учрайди.
София Ҳеллквист ва шаҳзода Карл Филипп
София Ҳеллквист Швеция шаҳзодаси Карл Филипп билан учрашгунга қадар у Paradise Hotel реалити-шоусида танилган модел ва актриса эди. София ва шаҳзода Карл Филиппни унинг умумий дўстлари ресторанда таништиришди. Бир неча йил ўтгач, улар оила қурди ва ҳозирда жуфтликнинг уч нафар фарзанди бор. Собиқ моделнинг сўзларига кўра, шаҳзоданинг оила аъзолари уни илиқ кутиб олишди ва ҳеч қачон ўзини паст ҳис этишга йўл қўймади.
Оливия Уайлд ва Тао Располи
“Доктор Ҳаус” сериалининг юлдузи Оливия Уайлд италиялик аристократ ва режиссёр Тао Русполига турмушга чиққанда эндигина 18 ёшда эди. Тао Италия шаҳзодаси Алессандро Располининг ўғли. Уайлдга малика унвони берилса ҳам, қиролликдаги кун тартиби унинг ҳаётига ҳеч қандай таъсир қилмаганини айтади. Афсуски, уларнинг никоҳи 2011 йилда ажримга юз тутди. Миш-мишларга кўра, ажрашишга Оливия ёш пайтида фарзандли бўлишни хоҳламагани сабаб бўлган.
Грэйс Келли ва княз Рене III
ХХ асрда актриса Грэйс Келли ва княз Рененинг муносабатлари ва никоҳи турли музокараларга сабаб бўлган. Бироқ уларнинг ҳаёти ташқи томондан эртакнамо эди: Голливуднинг энг гўзал актрисаларидан бири ва Европа князлигининг улуғвор ҳукмдори бир-бирига кўнгил қўйиши ҳавас қиларли эди. Грэйснинг сўзларига кўра, улар Канн кинофестивалида танишиб қолишган ва ўша куниёқ бир-бирини ёқтириб қолган.
Аслида вазият кўринганидек идеал эмас эди: Келли монархнинг қонуний рафиқаси бўлиш учун ёрқин актрисалик карьерасидан воз кечиши ва Монако ғазнасига 2 миллион доллар қалин пули тўлаши лозим бўлган.
Софи Уинклман ва Фредерик Виндзор
Меган ва Гаррининг тенгсиз деб аталадиган никоҳи Британия қироллик уйида биринчи ҳолат эмас. Актриса Софи 2009 йилда Кент шаҳзодаси Майклнинг ўғли Фредерик Виндзорга турмушга чиқди.
Фредерик Британия тахтидан йироқ вакил бўлгани сабабли актриса Лос-Анжелесдаги фаолиятини давом эттириши тақиқланмади.
Рита Ҳейворт ва шаҳзода Али Хон
Рита Ҳейворт қироллик оиласига турмушга чиққан биринчи Голливуд актрисаларидан бири эди. Низорийлар етакчиси Султон Оғахон III нинг ўғли Али Хон “Гилда” фильмида қизил сочли гўзални кўриб, уни севиб қолади. 1949 йилда улар турмуш қуради. Аммо бир неча йил ўтгач, Рита қизи билан АҚШга қайтиб кетишди. Кўп ўтмай у ажрашиш учун ариза берди ва бунга “Хоннинг ўта шафқатсиз эканлиги” сабаб бўлганини таъкидлади.
Жейми Ли Кертис ва Кристофер Гест
Актриса Жейми Ли 1984 йилда инглиз аристократига турмушга чиқди. 1996 йилда Кристофер барон Хэйден-Гест унвонини мерос қилиб олди ва Жейми баронессага айланди. Қироллик унвонига қарамай, ҳозирда уларнинг иккиси ҳам ижод билан банд. Кристофер ҳам актёр ва сценарий муаллифи сифатида ишлайди ва оиласи билан АҚШда яшайди.
Изоҳ (0)