Баъзиларга машҳурлар осмондаги юлдузларга ўхшаб кўринади. Улар ҳар куни турли-туман либос кияди, сочлари эса тажрибали мутахассислар томонидан турмакланади, деб ўйлашади. Аммо айрим машҳур кишилар ҳам синган замок ва йиртиқ кийимда юриши мумкин.
Киану Ривз замоги синганда скрепкадан фойдаланади
Кийим замоги кутилмаган дақиқада синиши мумкин, бундай пайтда замокни тортиш жуда ноқулай бўлиб қолади. Кўринишидан, Киануда ҳам шундай бўлган. Аммо у бунинг йўлини топиб, замок бўлаги ўрнига оддий скрепкадан фойдаланган.
Мерем Узерли “катишка” бўлиб кетган водолазка кияди
“Муҳташам юз йил” юлдузи самолётда тушган суратлари билан тез-тез бўлишади. Улардан бирида актриса қора костюм ва оддий водолазкада суратга тушган, суратда актрисанинг водолазкаси “катишка” бўлиб кетганини кўриш мумкин. Балки, бу унинг энг севимли кийимидир.
Кира Найтли дазмолланмаган кўйлак ҳам кияверади
“Кариб денгизи қароқчилари” ва “Андиша ва ғурур” фильмларининг юлдузи бир кўрсатувга бир оз ғижим қизил либосда келган. Эҳтимол, Кира кўпчилигимиз сингари дазмоллашга улгурмагандир ва бу мутлақо нормал ҳолат.
Шаҳзода Гарри тўйга тешик туфлида келган
2018 йилда дўстининг тўйида шаҳзода Меган Маркл билан қўлтиқлашиб, чизиқли шим ва кўк камзулда келади. Аммо қироллик оиласи аъзосининг пойабзал и таблоидлар эътиборини тортади. Туфлидаги тешикни оддий кўз билан ҳам кўриш мумкин эди. Кўринишидан, шаҳзода мукаммалликка интилмайди, бу шубҳасиз унинг ҳаётини осонлаштиради.
Унинг акаси шаҳзода Уилям ҳам эскирган пойабзал кияди
Бир йил ўтгач, шаҳзода Уилям акасининг ҳолатини такрорлайди ва иқтисодий форумда таглиги эскирган пойабзал кийиб келади. Эҳтимол, шаҳзода бундай майда-чуйда нарсаларга аҳамият бермас. Эски пойабзал ни ҳали кийиш мумкин бўлганида, янгисига пул сарфлашни зарур деб ҳисобламас.
Бритни Спирс дўстлариникига йиртиқ леггинсда келган
Баъзида Бритни ташқарига чиқиш учун ғайриоддий образларни танлайди. Бир куни папарацсилар юлдузни дўстларини кўриш учун келганида суратга олишади. Бритни рангли футболка, этик ва тиззасидан юқориси тешилган қора леггинс кийган эди.
Бу майда-чуйда нарсаларга қарамай, биз машҳурларни гўзаллиги ва истеъдоди учун ҳурмат қиламиз, ҳаётда қандай кийиниши эса уларнинг шахсий иши.
Изоҳ (0)