Буюк Британия қироллик оиласининг энг машҳур жуфтликларидан бири – шаҳзода Гарри ва унинг рафиқаси Меган Маркл Калифорниянинг қоқ марказидан, кўплаб таниқли юлдузлар, жумладан Шер, Леонардо Ди Каприо, Майли Сайрус каби ижодкорлар яшайдиган ҳудуддан ҳашаматли уй харид қилган. Юлдузларнинг қўшнисига айланиш Меган ва Гаррига улар билан яқиндан танишиб олиш, дўстона алоқаларни кенгайтириш имкониятини берди.
Айримлар бу ерга кўчиб ўтиш Меганнинг маккорона режаси экани, собиқ актриса шу орқали аста-секин Голливудга қайтмоқчи бўлганини ҳам тахмин қилди. Бироқ орадан анчагина вақт ўтган бўлса ҳамки, Меган Голливудга қайтмади. Балки ушбу ҳашаматли уй бошқа ҳеч қандай мақсад кўзланмаган ҳолда жуфтликка шунчаки ёқиб қолгани учун харид қилингандир...
Аввалига Гарри ва Меган АҚШда жойлашган янги уйлари бегоналар назарига тушмаслиги учун имкон қадар ҳаракат қилишди. Аммо тез орада интернет тармоғида уларнинг уйлари ташқи ва ички томондан қандай кўринишда эканлиги акс этган суратлар пайдо бўлди. Қизиғи шундаки, суратларнинг тарқалиб кетишига инсайдерлар сабабчи эмас, уйни жуфтликнинг ўзи бошқаларга кўрсатган: улар видеомурожаатларидан бирини уй ичида тасвирга олишган.
Шаҳзода Гарри ва Меган Марклнинг 9 та ётоқхона, 16 та ваннахона ва қўшимча хоналардан иборат бўлган 14 миллион долларлик “қасри” мана бундай кўринишга эга:
Суратларга назар ташлаб ягона бир хулоса келиш мумкин: қиролларга хос турмуш тарзидан қочишга уринишнинг ўзи билан иш битмайди. Пул сарфлаш масаласида ҳам Меган ва Гаррининг қироллик оиласи вакиллари эканлиги шундоққина сезилиб туради. Интерьердаги викториан даврига хос элементлар, фил суягидан ишланган курсилар, сон-саноқсиз ҳашаматли деталлар буни яққол акс эттиради...
Изоҳ (0)