Бирор инсон аслида қандай эканини билмоқчи бўлсангиз, у билан бирга ишлаб кўринг, деган нақл бор. Биз экранларда кўрган қаҳрамонлар ҳам иш фаолияти давомида нафақат ўзлари қаттиқ стрессга тушади, балки атрофдаги инсонларга ҳам жаҳл устида кўп зиён етказиб қўйиш ҳолатлари ҳам бўлиб туради.
Шаҳзода Гарри ва Меган Маркл
![](/static/2024/08/19/1043838697_0_81_2928_1737_2072x0_60_0_0_47402a79410f0df095b90d32c978dadf-nHYDJClt.jpg)
Британия қироллик оиласи аъзолари шаҳзода Гарри ва унинг рафиқаси Меган Марклнинг менежерлари ўз лавозимида уч ой ҳам ишлай олмайди ва кўпинча ишни ташлаб кетишга мажбур бўлади. Маълумотларга кўра, 2018 йилда турмуш қурган эр-хотиннинг характери ўта инжиқ бўлиб, шу вақтгача улар шахсий менежерини камида 18 марта ўзгартирган. Аслида, марҳум қиролича Елизавета даврида саройда узоқ йиллар давомида бир жойда ишлаш ва қироллик тожига содиқлик билан хизмат қилиш катта шараф бўлган.
Қиролликда Меган ва Гарри билан ишлаган собиқ ходимлардан бири Daily Mail нашрига шундай дейди:
Улар билан ишлаган бирор эски ходимдан шу ишга қайтиб келган бўлармидингиз, деб сўрасангиз, барчанинг жавоби албатта “йўқ” бўлади. Энг қизиғи, иш ташлаганлар оддий инсон эмас, балки ўз ишининг профессионал усталари бўлган.
Мэрайя Кэрри
![](/static/2024/08/19/scale_1200-fOr-sNop.jpeg)
Хонанда Мэрайя Кэрри нафақат ўзининг ажойиб овози ва вокал қобилиятлари, балки мураккаб феъл-атвори билан ҳам танилган. У доим ўзи учун ўзгача шарт-шароитлар бўлишини талаб қилади, концерт ва гастрол ташкилотчилари томонидан тақдим этилган таклиф ва хизматлардан норози бўлиб, камчилик қидиради. Бундан ташқари, Мэрайя тадбирларга тез-тез кечикиб келади.
Шерон Стоун
![](/static/2024/08/19/newfile-8-2-0-Mex0mOGF.avif)
Шерон Стоуннинг ўта талабчанлиги, қўл остидаги ходимларга нисбатан шафқатсизлиги ва қаттиққўллиги туфайли юлдуз билан ишлаш жуда қийиндир. Уни суратга олиш майдончасидаги энг мураккаб характерли аёл сифатида танишади.
Шерон ўзининг шериклари ва ходимларини доимо қаттиқ танқид қилади, шу сабабли актриса билан ишлаш жараёни барча учун стрессли кечади. Аммо шуни таъкидлаш жоизки, Стоун ўзига нисбатан ҳам ўта талабчандир. Агар бирор кадр режиссёрлар истаганидек чиқмаса, у ўз ролини қайта-қайта ўйнашга ва фильм идеал чиқиши учун ташкилотчиларга ёрдам беришга доим тайёр туради.
Расселл Кроу
![](/static/2024/08/19/i-tZG9ycB4.webp)
Актёр ўзининг мураккаб ва жанжалкаш феъл-атвори туфайли бир неча бор эътиборга тушган. Масалан, Рассел 2005 йилда меҳмонхона ходимига ҳужум қилгани учун ҳибсга олинган. Бундан ташқари, у ҳамкасблари ва директорлари билан доимий жанжаллар ва турли низоларга тўла муҳитда ишлайди.
Наоми Кемпбелл
![](/static/2024/08/19/om-OZCYYG--.png)
Дунёдаги энг машҳур супермоделлардан бири Наоми Кемпбелл подиумдаги ютуқлари билан бирга ўзининг қайсар характери билан ҳам танилган. У бирдан ёниб ўчадиган олов каби темпераментга эга. Масалан, Наоми ўзининг ёрдамчиси ва қўл остидаги ишчиларига ҳужум қилганликда айбланган ва ҳибсга олинган. Натижада у бир неча бор суд жараёнларида қатнашган ва жарима тўлашга мажбур бўлган. Бундан ташқари, актриса суратга тушиш майдонига доимо кечикади ва ҳеч қандай танқидга тоқат қила олмайди.
Изоҳ (0)