Британия шаҳзодаси Гарри ва унинг турмуш ўртоғи Меган Маркл қироллик оиласидаги шахсий ҳаёти ҳақидаги янги тафсилотларни баҳам кўрди. Жуфтлик ҳақида суратга олинган Netflix’нинг янги ҳужжатли фильмида папарациларнинг диққатини тортиш муаммолари, шунингдек, уларнинг саройдаги бошқа аъзолар билан муносабатларидаги нюанслари ёритилади.
Меган Маркл шаҳзода Уильям ва Кейт Миддлтон билан биринчи учрашув ҳақида гапирди. Калифорниялик маликанинг сўзларига кўра, у қироллик оиласи аъзолари билан иложи борича дўстона муносабатда бўлган ва уни «бундай совуқ қабул қилишларини» кутмаган.
«Биз сарой боғида, ўт устида ўтирган эдик. Мен жинси кийгандим ва ялангоёқ эдим, умуман олганда, мен энг қулай образда бўлганман. Кейт Миддлтон ва шаҳзода Уильям етиб келишди, Гарри эса уларни кутиб олишга кетди. Улар боғга кирганларида, мен ялангоёқ ҳолатда уларнинг олдига югуриб чиқдим ва қучоқламоқчи бўлдим. Менинг кайфиятим жуда самимий, илиқ ва очиқ эди, бироқ улар ўзларини жуда ‘совуқ’ тутди, қучоқлаш истагимни қўллаб-қувватламади», — дейди Меган Маркл.
Шунингдек, Меган Маркл, Гаррининг қариндошларининг британча қаттиққўллиги оиладаги юзага келиши мумкин бўлган низоларнинг сабабига айланганини аниқ айтди. Бироқ ижтимоий тармоқ фойдаланувчилари аслида бу воқеа шаҳзода Уильям ва Кейт Миддлтоннинг ижобий образини чизади, деб ҳисоблашади.
Уильям ва Кейт ҳеч қачон ўзларини ‘очиқ’ ва илиқ қилиб кўрсатмаган — бундай хусусиятлар одатда қирол оиласи аъзоларига хос эмас. Жуфтлик вақти-вақти билан ўз ҳис-туйғуларини намоён қилганда, масалан, Кетрин болалар билан учрашганда ҳис-туйғуларини ҳеч қачон тия олмайди, улар сохта кўринмайди.
Мавзуга доир:
- Шаҳзода Гарри ва Меган Маркл янги ҳужжатли фильмда Елизаветта II ни масхаралаб, қироллик оиласи аъзоларини ирқчиликда айблади (видео).
- Меган Маркл Голливуд фильмларини Осиё аёллари ҳақидаги стереотиплар учун танқид қилди.
- 21 миллион долларлик овоз: Меган Маркл ўзининг биринчи подкастида нима ҳақида гапирди?
- Меган Маркл Британия қироллик оиласидаги ирқчилик ҳақида гапириб, шов-шувга сабаб бўлган интервьюсидан кейин илк бор қиролича Елизавета II билан учрашди.
Изоҳ (0)