Бутун дунё шаҳзода Гарри ва Меган Марклнинг ажрашиши мумкинлиги ҳақида гапираётганида биз ҳаммаси қандай бошланганини ва қайси воқеалар уларнинг тақдиридаги учрашувга ҳисса қўшганини эслашга қарор қилдик.
Шаҳзода Гарри севгилисининг тўлиқ исми Меган Рейчел Маркл. У исмларидан бири ҳамда ҳақиқий фамилиясини қолдирган ҳолда ўзига саҳнавий тахаллус танлаган. 36 ёшли актриса кинода катта муваффақиятга эришди ва ўзини модель сифатида ҳам синаб кўрди, бироқ у шаҳзода Гарри билан муносабати ҳақида миш-мишлар тарқалганидан кейин ҳақиқатан ҳам машҳур бўлди.
Шахсий ҳаёт
Меган Рейчелнинг ота-онаси турли ирқларга мансуб, аммо актрисага қараб, унинг қора танли эканлигини пайқаш қийин. Калифорниянинг қоқ марказида, Лос-Анжелесда туғилган Меганнинг отаси асли ирландиялик. Том Маркл — ўз вақтида “Эмми” мукофотига сазовор бўлган таниқли постановкачи-оператор ҳисобланади. Актрисанинг онаси афро-америкалик бўлиб, социология ва клиник психология бўйича магистр даражасини олган, бироқ кейинчалик ёга ўқитувчиси бўлишга қарор қилган.
Ёш Меган кўп вақтини фильмларнинг суратга олиш майдончасида ўтказар, жараённи томоша қилар ва машҳурлар билан мулоқот қиларди. У юлдузлардан ҳеч ҳам тортинмасди ва 11 ёшида АҚШнинг биринчи хоними Хиллари Клинтонга хат ёзди.
Бу мурожаатда у реклама роликларида акс этган аёллар образидан кўнгли тўлмаслигини билдирган. Рекламада аёллар фақат ошхонада бўлиши кераклиги, уларнинг асосий вазифаси уйнинг тозалиги, овқат тайёрлаш ва болалар тарбиясидан иборатлиги кўрсатилган эди.
Меган мактабни битирганидан сўнг Шимолий-Ғарбий Калифорния университетига ўқишга кирди ва бир вақтнинг ўзида иккита мутахассислик — театр санъати ва халқаро муносабатлар соҳасида таҳсил олди. У университетда таҳсил олаётган пайтда модель бўлиб ишлади ва ўқишни тамомлагандан сўнг тўғридан тўғри суратга олиш майдончасига бормай, АҚШнинг Буэнос-Айресдаги элчихонасида жамоатчилик билан алоқалар бўлими ходими бўлиб ишлади.
Кунларнинг бирида актрисанинг дўсти ундан компанияси суратга олаётган лойиҳа кастингида иштирок этишини сўрайди. Шундан кейин Меган эътиборга тушди ва кўп ўтмай кинода дебют қилди. У илк марта 2002 йилда “Асосий госпитал” телесериалининг эпизодларидан бирида суратга тушди. Актриса беш йил давомида рол ўйнаган “Форс-мажор” сериалидан кейин муваффақиятга эришди.
Шаҳзода билан танишув
Шаҳзода Гарри Меганни биринчи марта “Форс-мажор” сериалида кўрган. Қаҳрамон Рейчел Зейн қиролича Елизавета II неварасининг юрагига шунчалик чуқур кириб бордики, у бошқа нарсани ўйлай олмади. Шундан кейин Гарри у иштирок этган сериалларни томоша қилиб, лойиҳаларга янада кўпроқ эътибор қаратди ва бўлажак турмуш ўртоғининг ижросига қойил қолди.
Кейинчалик унинг севимли қаҳрамони ролини ижро этган актриса билан шахсан учрашиш истаги шунчалик кучайдики, у учрашув ташкил этиш илтимоси билан дўсти Маркус Андерсонга мурожаат қилди. Маркл Серена Уильямсни Уимблдон турнирида қўллаб-қувватлашга келган пайтда Сохода жуфтлик ҳаётини ўзгартирган учрашув бўлиб ўтган.
Гарри актрисанинг ўзини тутиши, у билан оддий тарзда мулоқот қилиши ва ўзини бошқа инсонлардан ажратиб кўрсатмаслигига ҳайрон қолган. Жуфтликнинг дўстлари Меган шаҳзода билан гаплашаётган пайтда умуман хижолат бўлмаганини, кулиб, яхши муносабатда бўлганини айтган.
Уэлс шаҳзодаси гўзал ва ишончли қиз у билан яхши муносабатда бўлганидан хурсанд эди, шунинг учун Гарри актриса билан яна бир марта учрашиш ниятида эканини билдирди. Шундан кейин шов-шувларга сабаб бўлган, энг кўп муҳокама қилинган муносабатлар бошланди.
Шаҳзода Гарри билан бўлган муносабатидан сўнг Меган Маркл одатий ҳаёт тарзини унутиши: Нью-Йоркдан Лондонга кўчиб ўтиши, шунингдек, актрисалик фаолияти билан хайрлашиши керак эди.
Кенсингтон саройи жуфтликнинг муносабатлари ҳақидаги маълумотни илк марта 2016 йилнинг ноябрь ойида расман эълон қилди. Орадан бир йил ўтгач, уларнинг унаштирилиши маълум бўлди. Шаҳзода Гарри Меган билан турмуш қураётган пайтда унга малика Диананинг олмос узугини совға қилди.
Гарри ва Меганнинг тўйи 2018 йилнинг энг шов-шувли тўйларидан бири бўлди. Маросим Виндзор қалъасидаги Авлиё Жорж ибодатхонасида бўлиб ўтди. Тўйда 600 дан ортиқ инсон иштирок этди, агар бу рақамга онлайн трансляциялар пайтида маросимни кузатиб борганларнинг барчасини қўшадиган бўлсак, тадбирни бир неча юз миллион томошабин кўрган.
2019 йилнинг 6 майида Сассекс герцогиняси Арчи Харрисон Маунтбаттен-Виндзор исмли ўғлини дунёга келтирди. 2021 йилда эса жуфтликнинг қизи Лилибет туғилди.
Жуфтликнинг тўйи шаҳзода Уилям ва Кейт Миддлтоннинг тўй маросими каби дабдабали бўлди. Ҳатто қиролича ҳам Гарри ўзининг ҳаётдаги ҳамроҳи сифатида аллақачон турмушга чиққан актрисани танлаганига рози бўлган.
“Бу сеҳргарлик, содир бўлаётган ҳамма нарса ҳайратланарли. Мен учун дунёда иккита энг яхши йигит бор, шунинг учун ҳам мен жуда бахтлиман. Бизнинг чақалоғимиз ниҳоятда нозиктабиат, у жуда хотиржам бола”, — дейди Меган ўғли туғилгандан кейин.
Бироқ, тўйдан кейин Меган ва Гарри қироллик вазифаларини бажаришда қийналгани маълум бўлди, улар расмий қабулларсиз тинч, осойишта ҳаётни хоҳлади. 2020 йилда жуфтлик қироллик оиласи аъзолари билан хайрлашиб, Лос-Анжелесга кўчиб ўтди ва таниқли қариндошлари билан алоқаларни узди.
Шаҳзода Гаррининг ўз яқинлари ҳақидаги нохуш тафсилотларни очиб берган “Захира” китоби чиққандан сўнг, вазият кескинлашди.
Орадан бир оз вақт ўтгач, ижтимоий тармоқларда Гарри ва Меганнинг оиласида келишмовчилик содир бўлгани ҳақида миш-мишлар тарқалди. Инсайдерларнинг сўзларига кўра, жуфтлик бирга яшамаяпти. Улар молиявий муаммолар туфайли шундай қарорга келган.
Изоҳ (0)