Тошкент–Тель-Авив–Тошкент йўналишидаги рейслар одатдаги тартибда амалга оширилади. Бу ҳақда Uzbekistan Airways хабар берди.
Икки томонлама рейслар 1 июлдан қайта тикланади.
14 июнь куни Исроил ҳаво ҳудудининг вақтинча ёпилгани муносабати билан ушбу мамлакат билан авиақатновлар тўхтатилгани ҳақида хабар берилганди.
Эрон – Исроил можароси
Исроил 13 июнь кечаси Эронга зарбалар беришни бошлади. Уларнинг мақсади Теҳроннинг ядро ва ракета дастурлари билан боғлиқ объектлар эди. Бир суткадан камроқ вақт ўтиб, Эрон жавоб ҳужумини амалга оширди. 22 июнь кечаси АҚШ Қуролли кучлари Эроннинг учта ядровий объектига ҳужум қилди.
23 июнь кечқурун эса Теҳрон Қатардаги Яқин Шарқнинг энг йирик Ал-Удейд Америка ҳаво базасига ракета зарбалари берди.
Кейинроқ АҚШ Президенти Дональд Трамп Исроил ва Эрон ўт очишни тўхтатиш режимига келишиб олганини маълум қилди. Бу келишув 24 июндан кучга кирди.
Изоҳ (0)