АҚШ президенти Дональд Трампнинг миграция сиёсати доирасида Флоридада атрофи тимсоҳлар билан тўла иммиграция маркази қурилади. Бу ҳақда NBC News хабар берди.
Ҳуқуқ ҳимоячилари ва экологлар қурилишга қарши норозилик билдирмоқда. Мигрантларни сақлаш марказини қуриш ташаббуси Флорида штатидаги бош прокурор Жеймс Утмаерга тегишли. Қурилаётган объект аллақачон “Тимсоҳли Алкатрас” деб аталмоқда.
ОАВ маълумотларига кўра, лагер қурилиш бошланганидан 7 кун ўтгач очилиши керак. У 5 минг нафаргача одамга мўлжалланган. Лойиҳа қиймати йилига тахминан 450 миллион долларни ташкил этади. Марказ машҳур “Алкатрас” қамоқхонасига ўхшатиб қурилмоқда. Ҳукумат вакиллари ноқонуний муҳожирларни оғир изоляция шароитида — ботқоқликлар ва тимсоҳлар орасида ушлаб туришни мақсад қилган.
Ҳуқуқ ҳимоячилари ва экологлар бу одамлар учун хавф ва атроф-муҳитга зарар етказишидан норози. Трамп ҳали бу ташаббусга изоҳ бермаган. Бироқ унинг раҳбарлигидаги Ички хавфсизлик вазирлиги бу марказни юритиш учун керакли федерал рухсатни берган.
Президент Трамп раҳбарлигида биз жиноятчи ноқонуний муҳожирларни оммавий депортация қилиш бўйича америкаликларнинг талабини бажараётганимиздан фахрланамиз. Биз Флорида билан ҳамкорликда кунлар ичида (мигрантлар сақланадиган) жойлар ва иншоотларни кенгайтирамиз, деган ички ишлар вазири Кристи Ноэм.
Изоҳ (0)