Аалто университети ва Байрейт университети тадқиқотчилари инсон териси каби юпқа, эластик ва бир неча соатда ўзини тиклаш оладиган инновацион гидрогелни ишлаб чиқди. Ушбу инновацион материал атиги тўрт соат ичида 90% га, 24 соат давомида эса тўлиқ тиклана олади. Бу эса яра ва жароҳатлар парвариши, регенератив тиббиёт ва сунъий тери технологиялари учун янги имкониятларни тақдим этади. Кашфиёт тиббиёт соҳасида инқилобий ўзгаришларга олиб келиши кутилмоқда.
Гидрогеллар одатда кундалик маҳсулотларда: соч парвариш воситаларидан тортиб, озиқ-овқатларгача учрайди, аммо инсон терисининг мураккаб хоссаларини такрорлаш доимо чорасиз вазифа бўлиб келган.
Инсон териси эгилувчан, мустаҳкам ва ўзини тиклаш каби ажойиб хусусиятларга эга. Илгари олимлар ана шундай эластик ва шифобахш хусусиятларни бирлаштирадиган материал яратишга уринишган. Nanoварақалар билан бирлаштирилган полимер материаллар ушбу муаммони ҳал этди.
Кашфиёт 7 март куни Natural Materials журналида чоп этилган тадқиқотда эълон қилинди. Мутахассислар гидрогелни ўта юпқа, лойсимон нановарақалар билан бойитишди. Оддий гидрогеллар юмшоқ ва эластик бўлса-да, бу янги материал нановарақалар орасидаги зич жойлашган полимерлар билан яхлит тузилма ҳосил қилади. Бу гидрогелнинг мустаҳкамлигини оширади ва унга шикастдан кейин тикланиш имконини беради.
Изоҳ (0)