Франция императори Наполеон I Бонапартнинг қиличи Парижда 4,7 миллион еврога сотилди, деб хабар беради Le Figaro. Нашрнинг аниқлик киритишича, қурол 700 минг евродан 1 миллион еврогача баҳоланган, бу эса уни “аукционда сотилган энг қимматбаҳо Наполеон артефактларидан бири”га айлантирди.
“Сумма 2007 йилда Маренго жангидаги қиличи учун ўрнатилган 4,8 миллион евролик жаҳон рекордига яқинлашди”, дея қўшимча қилди аукцион уйи вакиллари.
Сотилган қилич Наполеоннинг шахсий қуроли эди. Бонапарт қуролни 1802-1803 йилларда Версал мануфактураси директори Никола-Ноэл Бутедан буюртма қилган. Император бўлгач, Наполеон I қилични ҳукмронлигининг охиригача сақлади. Кейинчалик уни маршал Эммануэл де Грушига совға қилди. Ўшандан бери нуфузли қилич саркарданинг авлодларида сақланиб келинмоқда.
Аукционда сотилган қиличнинг иккинчи нусхаси Санкт-Петербургдаги Эрмитаж музейида сақланади.
Изоҳ (0)