Ерга ёпирилган магнит бўрони 67 соатдан ортиқ давом этмоқда. Магнит бўрони давомийлиги бўйича рекорд янгиланиши мумкин. Бу ҳақда RTVI хабар берди.
2017 йилда қайд этилган аввалги рекорд 69 соатни ташкил этганди. Мутахассисларнинг таъкидлашича, сайёранинг магнит майдони ҳолатини акс эттирувчи махсус индекс аномалия бошланганидан 36 соат ўтгач сариқ даражага тушган. Ер яқинидаги Қуёш шамоли хусусиятлари барқарорлашиб, нормал қийматларга етган бўлса-да, геомагнит бўронлар ҳали ҳам кузатилмоқда.
“Умуман олганда, 1 июндаги экстремал чўққилар фонида бўронларнинг ҳозирги даражаси кучсиздан ўртачагача бўлган диапазонда турибди. Аммо бу вақт ичида магнит майдон томонидан ютилган умумий энергия қиймати жуда катта ҳисобланади”, деди Россия Фанлар академияси Космик тадқиқотлар институтининг Қуёш астрономияси лабораторияси.
Олимларга кўра, математик прогнозлар ҳали ҳам вазиятнинг тезда барқарорлашишини кўрсатмоқда. Лекин ҳозирги ҳолат 2017 йилдаги рекорддан ошиш ёки ошмаслиги номаълум бўлиб қолмоқда. 31 майга ўтар кечаси астрономлар Қуёшда катта чақнашни қайд этган. Интенсивлик бўйича бу чақнаш ўтган 2024 йилнинг май ойида кузатилган шунга ўхшаш ҳодисалардан бир оз кучсизроғи ҳисобланади.
Изоҳ (0)