Актёр Том Круз “Уддалаб бўлмас топшириқ: якуний ҳисоб-китоб” фильми суратга олинаётганда бажарган трюкларидан бири билан Гиннеснинг рекордлар китобига киритилди. Актёр ёниб турган парашют билан 16 марта сакраган. Бу ҳақда “Правила жизни” хабар берди.
Фильмнинг бир саҳнасида Том Круз ижро этган қаҳрамон Итон Ҳант ишдан чиққан самолётдан захира парашютини олиб, сакрайди. Унинг асосий парашюти ёниб кетади, шунинг учун қаҳрамон парашют боғичларини кесиб, охирги лаҳзада захира парашютини очади.
Ушбу трюкни Крузнинг ўзи бажарган: у Жанубий Африкадаги Аждар тоғларида 2 минг метрдан зиёд баландликдаги вертолётдан 16 марта сакраган. Ҳар сафар унинг парашюти ёнувчи суюқлик билан ҳўлланган ва ёқилган.
Гиннеснинг рекордлар китоби Круз “бир киши томонидан энг кўп ёнаётган парашют билан сакраш” бўйича рекорд ўрнатганини эълон қилди. “Том бундай рекорд ўрнатган ягона инсон эмас,” дейди рекордлар маълумотномаси бош муҳаррири Крейг Глендей.
Аввалроқ “Уддалаб бўлмас топшириқ” франшизасининг сўнгги қисмини суратга олиш пайтида Том Крузни қаттиқ чарчоқ туфайли қўлда олиб кетишга мажбур бўлишган эди.
Изоҳ (0)