Хитойда дунёдаги энг баланд кўприк — Ҳуажианг Канён кўприги — июнь ойида фойдаланишга топширилиши кутилмоқда. Иншоот Golden Gate ва Сидней кўпригидан ҳам баландроқ бўлади. Бу ҳақда CNN хабар берди.
Кўприк Хитойнинг жануби-ғарбий қисмидаги Гуизҳоу провинциясида қурилмоқда. У денгиз сатҳидан 625 метр баландликда бўлади. Ҳозирда дунёда баландлиги бўйича рекорд (289 метр) ўрнатган кўприк Франциядаги Миллау Виадуки ҳисоблананди.
Гуизҳоу — тоғли, мураккаб релефга эга ҳудуд. Кўприк Ҳуажианг дарасидан (маҳаллийлар уни “Ер ёриғи” деб аташади) ўтади. Хитой ҳукумати тоғли ва кам ривожланган ҳудудларда инфратузилмани ривожлантиришга катта эътибор бермоқда.
Бу кўприк фақатгина рекорд ўрнатиш учун эмас — балки автомобиллар ва юк машиналар ҳаракатланишини осонлаштириш учун қурилмоқда. Кўприк очилгач, канён орқали ўтиш вақти 2 соатдан атиги 1 дақиқагача қисқариши кутилмоқда.
Иншоот пўлатдан қурилган бўлиб, умумий узунлиги 2,89 километрни ташкил этади. Қурилиш 2022 йил 18 январда бошланган ва 2025 йил 30 июньда тугатилиши режалаштирилган. Қурилишда ишлатилган пўлат тузилмалар умумий 22 000 тоннадан иборат. Бу тахминан учта Эйфель минорасига тенг оғирликдир.
“Кўприк қурилишининг 95 фоизи якунланган, очилиши эса 2025 йилнинг иккинчи ярмига режалаштирилган”, деди Гуизҳоу Автомобиль йўллари гуруҳи бош муҳандиси Зҳанг Шенглин.
Бугунги кунда дунёдаги энг баланд 100 та кўприкнинг деярли ярми айнан Гуизҳоу провинциясида жойлашган.
Изоҳ (0)