Ўзбекистоннинг олтин-валюта захиралари ҳажми 2025 йил май ойи якунига кўра 49,66 млрд долларни ташкил этди. Бу ҳақда Марказий банк маълумотларида келтирилган.
Бу Марказий банкнинг 2013 йилдан буён кузатувлари тарихидаги рекорд кўрсаткичдир.
Апрель ойи билан таққослаганда захиралар 410,2 млн долларга ёки 0,83 фоизга ошди. Захиралар ошиши кетма-кет бешинчи ой давом этмоқда. Йил бошидан буён ўзиш 8,48 миллиард долларни ташкил этди (20,6 фоизга ошди).
Захиралардаги олтин миқдори физик ҳажми бир оз камайиб, 11,4 троя унсия (353,85 тонна)ни ташкил этди. Шунга қарамай, қимматбаҳо металл нархи кўтарилиши сабаб унинг нархи 2,2 миллион долларга ошиб, 37,65 миллиард долларни ташкил этди.
Апрель ойида Ўзбекистон олтин-валюта захиралари кетма-кет уч ой давомида рекордни янгилаб, 49,2 миллиард доллардан ошганди. Ўзбекистон апрелда олтин сотиш бўйича дунёда етакчиликни сақлаб қолди. Жаҳон олтин кенгаши маълумотларига кўра, Марказий банк апрель ойида 11 тонна қимматбаҳо металл сотди, йиллик ҳисобда соф олтин савдоси 26 тоннани ташкил этди.
Изоҳ (0)