Илон Маскнинг SpaceX компанияси 2025 йилда тахминан 15,5 миллиард доллар даромад олиши кутилмоқда. Бу ҳақда Reuters хабар берди.
Миллиардер 3 июнь куни компаниянинг космосдан оладиган тижорий даромади 2026 йили НАСАнинг тахминан 1,1 миллиард долларлик бюджетидан ошиб кетишини таъкидлаган. SpaceX даромад олишда тежамкор учириш хизматлари ва сунъий йўлдош алоқаларига таянган.
Компания 122 метр баландликка эга Starship ракета тизимини ишлаб чиқмоқда. Маскга кўра, бу одамларни Марсга юборишда муҳим рол ўйнайди. Компаниянинг қайта ишлатиладиган Falcon 9 ва Falcon Heavy ракеталари учириш харажатларини сезиларли даражада камайтирган. Бу эса SpaceX’га глобал учириш бозорида сезиларли улушга эга бўлиш имконини берган.
2024 йилда SpaceX 134 та Falcon парвози билан рекорд ўрнатиб, дунёдаги энг фаол парвоз операторига айланганди. Компания бу рекордни йил охиригача 170 та парвоз билан янгилашни мақсад қилган. Шунга қарамай, ЅпаcеХънинг даромади асосан сунъий йўлдошли интернет хизмати Starlink ҳисобига тўғри келади. Маск бу хизмат оммавий бўлишини маълум қилган, аммо қачонлиги ҳақида маълумот бермаган.
Маълумот ўрнида, SpaceX АҚШ президенти Дональд Трампнинг “Олтин гумбаз” ракетага қарши мудофаа қалқонининг муҳим қисмини қўлга киритишда етакчига айланган.
Изоҳ (0)