Чеченистон раҳбари Рамзан Қодиров урушга юборилган яна иккита Cybertruck электромобилини намойиш қилди. Улар Қодировга берилган ва у урушга юборган Cybertruck каби масофадан ўчириб қўйилмаган.
Чеченистон раҳбари “машиналар мунтазам ва узлуксиз ишлаётгани”ни айтди. Унинг фикрича, “Ғарб техникаси юклатилган вазифаларни жуда яхши уддалайди”, чунки у “мобиллик, қулайлик, манёврлик” каби хусусиятларга эга.
Машиналар нормал ва носозликларсиз ишламоқда. Cybertruck учун бундан яхши реклама ўйлаб тополмайсан. Уларни қандай қўллаш кераклигини биз яхши биламиз, деб ёзди Қодиров Telegram каналида.
Чеченистон раҳбари 19 сентябрь куни Илон Маск унга берилган машинани масофадан ўчириб қўйгани, Cybertruck’ни тортиб кетишга тўғри келганини айтганди.
Машина жанговар вазифаларни аъло даражада уддалади. У манёврлик ва экипажни яхши ҳимоя қилиш хусусиятларини намоён этди. Мана энди, Маск яқинда Cybertruck’ни масофадан ўчириб қўйди. Бу эркакча иш эмас. Темир тулпорни судраб кетишга мажбур бўлдик. Хўш, Илон, бу қандай гап? Шундай қилинадими?, деганди Рамзан Қодиров.
У 17 август куни Telegram каналида пулемёт ўрнатилган Cybertruck видеосини эълон қилганди. Чеченистон раҳбари электр пикапни шахсан синовдан ўтказиб, у урушга юборилишини айтган.
“Илон, раҳмат! Грознийга келинг, сизни энг азиз меҳмоним сифатида қабул қиламан! Бизнинг Россия ТИВ бундай саёҳатга қарши бўлади деб ўйламайман. Ва, албатта, биз сизнинг янги ишланмаларингизни кутамиз”, деган эди Қодиров.
лон Маск бунга жавобан Х ижтимоий тармоғида Қодировга ҳеч қандай автомобиль совға қилмаганини билдирди.
Сиз шунчалик қолоқмисиз, мен рус генералига Cybertruck бердим деб ўйлайсизми? Бу ҳайратланарли, деб ёзган Tesla раҳбари.
Маскнинг Қодировга жавоби эълон қилингандан бир оз ўтиб, Чеченистон раҳбари яна Tesla асосчисига мурожаат қилганди:
Илон, қолоқ одамларга ва сотқин оммавий ахборот воситаларига эътибор берманг. Улар билан чалғимаслигингиз керак, ишонинг. Янги чўққиларни забт этишда давом этинг. Сизнинг ишланмаларингиз бизга катта ёрдам бермоқда!, деган у.
Изоҳ (0)