Американинг Tesla компанияси АҚШда Моdel 3 седанининг стандарт юриш захирасига эга арзон вариантини сотувдан олиб ташлади.
Tesla веб-сайтида эндиликда фақат Моdel 3 нинг Long Range конфигурацияси, шунингдек, юқори тезланишга эга Моdel 3 Performance версияси мавжуд.
Бундан ташқари, компания 27 мингдан ортиқ Cybertruck электр пикапларини орқа камерасидаги носозлик туфайли қайтариб олаётгани ҳақида АҚШ Миллий йўл ҳаракати хавфсизлиги бошқармаси сайтида хабар берилди.
Орқа камера ишга туширилганидан кейин тасвир саккиз сониягача кечикиши мумкин, Америка қонунчилиги эса икки сониядан кўп бўлмаган кечикишга рухсат беради.
Кечикиш автомобиль орқасидаги ҳудуд кўринишини қийинлаштириб, авария хавфини оширади. Муаммони ҳал қилиш учун янги бепул дастурий таъминот чиқарилди.
Бу Cybertruck ўтган йилнинг ноябрида сотувга чиқарилганидан буён бешинчи марта чақириб олиниши.
Мазкур хабардан сўнг бугунги биржа савдоларида Tesla акциялари 1,2 фоизга арзонлашди.
Изоҳ (0)