Чеченистон раҳбари Рамзан Қодиров унга берилган Cybertruck масофадан туриб ўчириб қўйилгани ва электр пикапни тортиб кетишга тўғри келганини айтди. Бу ҳақда у ўзининг Telegram каналида маълум қилди.
Илон Маск хунук иш қилди. Чин дилдан қимматбаҳо совғалар беради-ю, кейин уларни масофадан ўчириб қўяди, деб ёзади Қодиров.
Чеченистон раҳбари гап унга совға қилинган Cybertruck ҳақида кетаётганини айтди. Рамзан Қодиров пулемёт ўрнатилган мазкур пикап урушга юборилганини таъкидлаган.
Рамзан Қодиров 17 август куни Telegram каналида пулемёт ўрнатилган Cybertruck видеосини эълон қилди. У электр пикапни шахсан синовдан ўтказиб, у урушга юборилишини айтди.
“Илон, раҳмат! Грознийга келинг, сизни энг азиз меҳмоним сифатида қабул қиламан! Бизнинг Россия ТИВ бундай саёҳатга қарши бўлади деб ўйламайман. Ва, албатта, биз сизнинг янги ишланмаларингизни кутамиз”, деган эди Қодиров.
Илон Маск бунга жавобан Х ижтимоий тармоғида Қодировга ҳеч қандай автомобиль совға қилмаганини билдирди.
Сиз шунчалик қолоқмисиз, мен рус генералига Cybertruck бердим деб ўйлайсизми? Бу ҳайратланарли, деб ёзган Tesla раҳбари.
Маскнинг Қодировга жавоби эълон қилингандан бир оз ўтиб, Чеченистон раҳбари яна Tesla асосчисига мурожаат қилганди:
Илон, қолоқ одамларга ва сотқин оммавий ахборот воситаларига эътибор берманг. Улар билан чалғимаслигингиз керак, ишонинг. Янги чўққиларни забт этишда давом этинг. Сизнинг ишланмаларингиз бизга катта ёрдам бермоқда!, деган у.
Изоҳ (0)