АҚШ разведкаси Эроннинг ҳужумга учраган ядровий объектлари тўлиқ йўқ қилинмаганини таъкидлади. Бу ҳақда Мудофаа вазирлигидаги манбаларга таяниб, CNN ва The New York Times хабар берди.
Пентагон ҳисоботида келтирилишича, АҚШнинг Фордо, Натанз ва Исфаҳон ядро объектларига уюштирган зарбалари Эрон ядро дастурини атиги бир неча ой орқага сурган. Мазкур объектлардаги бойитилган уран захиралари ҳужум олдидан бошқа жойга кўчирилган бўлиши мумкин. Уранни бойитиш учун зарур бўлган центрифугалар эса “асосан зарарланмагани” таъкидланади.
CNNнинг ёзишича, АҚШ зарбалари оқибатида энг катта зарар Эрон ядро объектларининг ер устидаги иншоотларга етган. Кўплаб ҳарбий экспертлар АҚШнинг ядровий объектларга ҳужум қилишига Исроил кўндирганини айтмоқда. Чунки АҚШнинг махсус ГБУ-57А бункер бомбалари Фордодаги тоғ остига яширилган объектга зарба бера олади.
Бундан ташқари, The New York Timesънинг исроиллик амалдорларга таяниб ёзишича, Эрон ҳудудида кичик, махфий уран бойитиш марказлари зарарсиз қолган. Теҳрон бу марказларни айнан Фордо ва Исфаҳон каби йирик комплекслар йўқ қилинган тақдирда ҳам ядро дастурини давом эттириш учун қурган.
NYT маълумотларига кўра, АҚШ разведкасининг муваффақиятсиз бомбардимон ҳақидаги хулосаларини эълон қилиш Трампнинг ҳозир бўлиб ўтаётган НАТО саммитидаги ғалабасини барбод қилган. АҚШ президенти Дональд Трамп юқоридаги разведка хулосаларига қўшилмаган.
Фейк маълумотлар тарқатувчи CNN ва инқирозга юз тутган The New York Times тарихдаги энг муваффақиятли ҳарбий ҳужумлардан бирини обрўсизлантиришга уриниш мақсадида бирлашди. Эрон ядро объектлари тўлиқ йўқ қилинган! Тҳе Times ҳам, CNN ҳам жамоатчилик томонидан кескин танқид остига олинмоқда! деб ёзди у Truth Socialъс саҳифасида.
Оқ уй матбуот котиби Керолин Ливитт ҳам ўз раҳбарига қўшилди. У оммавий ахборот воситаларининг шубҳаларини “президентни камситишга уриниш” ва “жасур учувчиларни обрўсизлантириш” деб баҳолади. Шунингдек, CNN “разведка хизматидаги паст лавозимли номалум шахс”дан маълумот олганини айтди.
30 минг фунт бўлган ўн тўртта бомба нишонга аниқ туширилса, тўлиқ вайронагарчилик бўлишини ҳамма билади, деб ёзди у Хъдаги саҳифасида.
Изоҳ (0)