Жиззах вилоятида фуқаро Д.Б.нинг мурожаатига асосан тезкор тадбир ўтказилди. Бу ҳақда Бош прокуратура хабар берди.
Маълум қилинишича, фуқаро Г.Қ. Бахмал давлат ўрмон хўжалиги “Кўкжар” ўрмон бўлимидан Д.П.га 2022 йилдаги ижара шартномаси орқали экотуризмни ривожлантириш учун 49 йил муддатга ижарага берилган 0,15 гектар ва унга туташ бўлган 0,25 гектар – жами 0,40 гектар ерни 19 минг долларга унинг номига расмийлаштириб беришни айтган.
У келишилган пуллар ҳисобидан 245 млн сўм олган вақтида ушланган.
Мазкур ҳолат юзасидан жиноят иши қўзғатилиб, тергов ҳаракатлари олиб боришга киришилган.
Ерни ноқонуний сотишга уриниш бўйича бошқа ҳолатлар
Фарғонада фуқаро 2,5 гектар ерни 650 минг долларга сотишга келишиб, олдиндан 100 минг долларни олган вақтида ашёвий далиллар билан ушланганди. Тошкент вилояти Оҳангарон туманида жойлашган ва қишлоқ хўжалигига мўлжалланган 32 гектар ерни 2,4 млн долларга ноқонуний сотмоқчи бўлган шахс қўлга олинганди.
Сурхондарё вилоятида фуқаро қишлоқ хўжалигига мўлжалланган 45 сотих ерни 60 минг долларга сотишга келишиб, 56,7 минг доллар ва 43 миллион сўм олган вақтида қўлга тушганди. Хоразм вилоятининг Урганч туманида фуқаро давлат захирасида бўлган 24 сотих ер майдонини кадастр тизимида ишловчи танишлари орқали харидор номига расмийлаштириб бериш эвазига 45 минг доллар ва 13 миллион сўм олган вақтида ушланганди.
Изоҳ (0)