Шимолий Корея раҳбари Ким Чен Ин Россиянинг Курск вилоятини озод қилиш операциясида иштирок этган ҳарбийларини мукофотлади. Бу ҳақда KCNA хабар берди.
Табрик сўзида Ким Чен Ин хориждаги ҳарбий операция иштирокчилари “тарихда ўз аксини топадиган буюк қаҳрамонликлар кўрсатганини” айтди. Шунингдек, Корея халқ армиясининг жангчилари ва қўмондонлари “КХДР мавжудлиги ва ривожланиши учун мустаҳкам кафолат яратди”, дея таъкидлади.
Ҳарбий хизматчиларга олий давлат мукофотлари, жумладан, КХДР Қаҳрамони унвони топширилган. Урушда ҳалок бўлган жангчиларнинг оила аъзоларига ҳамдардлик билдирилган.
-JTX5-tNh.avif)
-Vh-X3q1h.avif)
Россия президенти Владимир Путин ва Ким Чен Ин 2024 йил июнь ойида Кенг қамровли шериклик тўғрисидаги шартномани имзолади. Кузда томонлар ушбу ҳужжатни ратификация қилди. Унинг тўртинчи моддасида “агар томонлардан бири бир ёки бир неча давлатнинг қуролли ҳужуми туфайли уруш ҳолатига тушиб қолса”, барча мавжуд воситалар билан зудлик билан ҳарбий ёрдам кўрсатиш кўзда тутилган.
Шимолий Корея аскарларининг Курск вилоятини озод қилишдаги иштироки ҳақидаги маълумотлар апрель ойи охирида КХДР томонидан тасдиқланган. Тахминларга кўра, мамлакат Россия қўшинларини зарур ўқ-дориларнинг камида ярми билан таъминламоқда. Ғарб разведкаси Россиянинг 2024 йилдаги ўқ-дори ишлаб чиқариш ҳажмини 2–2,3 миллион дона атрофида деб баҳолаган.
КХДР узоқ масофали артиллерия қуроллари, ялпи ўт очиш тизимлари, миномётлар ва баллистик ракеталар етказиб берган. Украина разведкасига кўра, Россияга 120 та “Коксан” ўзиюрар артиллерия қурилмаси, 120 та реактив ўт очиш тизими ва 148 та КН-23 ҳамда КН-24 (“Хвасон”) баллистик ракеталари юборилган.
Изоҳ (0)