АҚШда давом этаётган 2025 йилги Клублар ўртасидаги Жаҳон чемпионатининг навбатдаги ўйинларидан сўнг плей-офф босқичининг дастлабки икки жуфтлиги аниқ бўлди.
Мусобақанинг 1/8 финал босқичида биринчи жуфтлик сифатида АҚШнинг “Интер Майами” жамоаси Франциянинг “Пари Сен-Жермен” клуби билан тўқнаш келади. Иккинчи жуфтлик эса Бразилия вакиллари — “Палмейрас” ҳамда “Ботафого” клублари ўртасида кечади.
Учрашувларнинг аниқ санаси ва бошланиш вақти кейинроқ эълон қилинади.
Эслатиб ўтамиз, жорий Клублар ўртасидаги Жаҳон чемпионати 2025 йил 15 июндан 13 июлгача АҚШда ўтказилмоқда. Унда 32 клуб иштирок этмоқда. Жамоалар саккиз гуруҳга бўлинган бўлиб, ҳар бир гуруҳда тўрттадан клуб жой олган. Гуруҳ босқичида энг яхши натижа кўрсатган икки жамоа плей-оффга йўл олади.
Маълумот учун, мусобақанинг амалдаги ғолиби Мадриднинг “Реал” клуби ҳисобланади.
Изоҳ (0)