Ўзбекистонда 1 май ҳолатига ер участкасини ўзбошимчалик билан эгаллаш билан боғлиқ 15 826 та ҳолат аниқланган. Бу ҳақда АОКАда ўтказилган брифингда Кадастр агентлиги Ахборот хизмати раҳбари Неъмат Атамуратов маълум қилди.
Келтирилган маълумотларга кўра, агентлик органлари томонидан берилган ёзма кўрсатмалар асосида 10 041 та ҳолатда 447,1 гектар (63 фоиз) майдондаги қонунбузилишлар ихтиёрий бартараф этилиши таъминланди.
Ўзбошимчалик билан эгалланган ер майдонларини қайтариш ва ноқонуний қурилмаларни бартараф этиш бўйича судларга 2 814 та даъво аризалари киритилди. Ерга оид қонун бузилиши ҳолатларида жиноят аломатлари аниқланган 384 та иш ҳужжатлари белгиланган тартибда прокуратура органларига юборилди.
Шунингдек, олиб борилган назорат тадбирларида 11 873 нафар шахсга нисбатан маъмурий жавобгарлик чораси қўлланилди. Жорий йилда республика бўйича ер участкаларидан мақсадсиз фойдаланиш билан боғлиқ 2 392 та (5 830,2 гектар) ҳолат аниқланиб, улардан 2 389 таси бўйича ҳокимликларга тақдимномалар киритилди, 3 та ҳолатда эса ер участкаларига бўлган ҳуқуқни бекор қилиш юзасидан судларга мурожаат қилинди.
Натижада 5 318,8 гектар мақсадсиз фойдаланилган ерлар захирага қайтарилиши таъминланди. 2025 йил 1 май ҳолатига қадар ер участкаларини ўзбошимчалик билан эгаллаган 9 292 та ҳолат фуқаролар томонидан белгиланган муддатда ихтиёрий бартараф этилгани сабабли, фуқаролар жами 104,5 миллиард сўмдан ортиқ маъмурий жаримадан озод этилди.
2024 йил статистикаси
Ўзбекистонда 2024 йилда 66 109 та ҳолатда ерларнинг ўзбошимчалик билан эгаллаб олиниши аниқланган.
2024 йил мобайнида Кадастр агентлиги томонидан олиб бориладиган ер ва кадастр назорати йўналишида амалга оширилган тадбирлар натижасида:
- 66 109 та ҳолатда 9 462,3 гектар ерларнинг ўзбошимчалик билан эгаллаб олиш ҳолатлари аниқланиб,
- 41 972 та ҳолатда 4 472,2 гектар ерда қонунбузилиш ҳолатлари ихтиёрий равишда бартараф этилди.
Шунингдек,21 459 та ҳолатда 4 654,1 гектар ерга даъво аризалари киритилди. 5 561 та (1 144,5 гектар) даъво аризалари судлар томонидан қаноатлантирилди ва мажбурий ижрога қаратилди.
Жиноят ва маъмурий жавобгарлик:
- 2 146 та ҳолатда жиноят аломатлари бўлган материаллар прокуратура органларига юборилди.
- 41 708 та шахсга ерга оид ҳуқуқбузарликлар учун маъмурий жазо чоралари қўлланилди.
Изоҳ (0)