Токио шаҳрининг Эдогава туманидаги қурилиш майдонида юз берган портлаш оқибатида ўн нафар шахс тан жароҳати олди. Жабрланганлар орасида 20 ёшдан 70 ёшгача бўлган ишчилар ва маҳаллий аҳоли бор. Бу ҳақда Kyodo News агентлиги хабар берди.
Маълум қилинишича, воқеа 27 май куни эрталаб Токио метрополитенининг “Касаи” бекати яқинидаги турар-жой ҳудудида портлаш ва ундан сўнг тутун кўтарилиши содир бўлган.
Ёнғинни бартараф этишга 30 дан ортиқ ўт ўчириш машинаси жалб этилган ва у тахминан 90 дақиқа ичида назорат остига олинган.
Полиция маълумотларига кўра, ҳодиса пайтида ишчилар янги бино қуриш учун ерга устунлар қоқаётган бўлган. Иш жараёнида ер ости газ қувури шикастланган бўлиши эҳтимоли бор.
Гувоҳларнинг айтишича, улар кетма-кет бешта портлаш овозини эшитишган.
Изоҳ (0)