Самарқанд шаҳрида корхона 3 млрд сўмдан зиёд табиий газдан ноқонуний фойдалангани аниқланди. Бу ҳақда “Ҳудудгазтаъминот” хабар берди.
Қайд этилишича, “Ҳудудгазтаъминот” АЖ бошқарув раисининг тегишли топшириғи билан ҳудудларда табиий газдан ноқонуний фойдаланиш ҳолатларини аниқлаш ва уларнинг олдини олишга қаратилган тадбирлар давом эттирилмоқда.
Ана шундай тадбирлардан бири Самарқанд вилояти Самарқанд шаҳрида “Ҳудудгаз Самарқанд” газ таъминоти филиали комплаенс назорат тузилмалари, шаҳар газ таъминоти бўлими ва Ўзэнергоинспекция ходимлари иштирокида ўтказилди.
Шаҳарнинг Фарҳод қўрғонида жойлашган “Г.Ф.Э.” МЖЧга қарашли корхонада истеъмолчи табиий газ тармоғига ҳисоблагичдан ташқари яширин йўллар билан уланиб, газдан ўғринча фойдаланиб келаётгани аниқланди.
Ҳолат юзасидан далолатнома тузилиб, 3 миллиард 84 миллион сўмлик зарар ҳисобланди. Мазкур ноқонуний ҳолатга оид барча ҳужжатлар ҳуқуқни муҳофаза қилувчи органларга юборилади.
Газ ўғирлаш ҳолатлари
Изоҳ (0)