Жиззах вилоятининг Шароф Рашидов туманида жойлашган “А.Э.Ж.” фермер хўжалиги 4,7 млрд сўмлик электрдан ноқонуний фойдаланган. Бу ҳақда Бош прокуратура матбуот хизмати хабар берди.
Маълум қилинишича, хўжалик раҳбари А.С. қуввати 60 кВт бўлган 8 та сув насосларини электр ҳисоблагичдан ташқари улаган.
Оқибатда дастлабки ҳисоб-китобларга кўра, 4 млрд 739 млн сўмлик электрни талон-торож қилган.
Мазкур ҳолат юзасидан терговга қадар текширув ҳаракатлари олиб борилмоқда.
Бундай ҳолатлар сони ортиб бормоқда
Самарқанд вилоятидаги корхоналардан бири 553 миллион сўмлик электрдан ноқонуний фойдалангани аниқланганди. Шу билан бирга, Қашқадарёда 177 млн сўмлик газ ва “свет”дан ноқонуний фойдаланган шахслар ушлангани хабар қилинганди.
Шунингдек, Қашқадарёда электрдан ноқонуний фойдаланган корхона давлатга 1 млрд сўмдан зиёд зарар етказган. Бундан ташқари, Тошкент, Самарқанд ва Қашқадарё вилоятларида энергия ресурсларига ноқонуний уланиш ҳолатлари фош этилганди. Шунингдек:
- Бухорода 1,2 млрд сўмлик электрдан ноқонуний фойдаланилгани аниқланди
- Қорақалпоғистоннинг учта ҳудудида 845 млн сўмлик газдан ноқонуний фойдаланилди
- Бухоро ва Жиззахда электрдан ноқонуний фойдаланганлар 360 млн сўмдан зиёд зарар етказди
- Учта вилоятда қарийб ярим млрд сўмлик газдан ноқонуний фойдаланилди
Изоҳ (0)