Вазирлар Маҳкамасининг «Бухоро вилояти, Қорақалпоғистон Республикаси ва Хоразм вилоятининг 2022—2026 йилларда туристик салоҳиятини комплекс ривожлантириш тўғрисида»ги 543, 545 ва 546-сон қарорлари қабул қилинди. Бу ҳақда Норма хабар қилди.
Қайд этилишича, ҳужжатлар ушбу ҳудудларда туризмни ривожлантиришга қаратилган қатор чора-тадбирлар ҳамда йиллик мақсадли кўрсаткичларни назарда тутмоқда. Хусусан, ҳудудларда қуйидагилар режалаштирилган:
Қорақалпоғистон Республикасида:
- Мўйноқда туризм масалаларига оид халқаро конференция ўтказиш;
- Қорақалпоғистоннинг ҳар бир шаҳар ва туманидан 500 нафар аҳолини республиканинг туристик ҳудудларига юборилишини ташкиллаштириш.
- Хоразмшоҳлар давлат музейини ташкил этиш;
- «Хоразм» туристик брендини яратиш бўйича танлов ўтказиш;
- 2024 йилга қадар Хива шаҳригача тезюрар поездни йўлга қўйиш;
- «Урганч—Боку—Урганч», «Мадрид—Урганч—Тошкент» йўналишлари бўйича, шунингдек, Покистон, Индонезия, Яқин Шарқ ва Европа мамлакатларидан мунтазам авиақатновларни йўлга қўйиш;
- туристик маҳаллаларни барпо этиш.
- 2022—2026 йилларда Бухорога туристик оқимни (маҳаллий ва хорижий) 5 миллион нафарга, ушбу соҳада экспорт ҳажмини 600 миллион долларга етказиш;
- 800 дан зиёд маданият объектларини бирма-бир реставрация қилиш;
- «Street Food» гастрономик кўчасини барпо этиш;
- «Қадимги Пойкент» археологик ёдгорлигини музейга айлантириш ва археологик парк барпо этиш;
- Туркия, Буюк Британия, Франция музейларида сақланаётган, Абу Али Ибн Сино қаламига мансуб қўлёзмалар нусхаларини шакллантириш ва Бухородаги музейга жойлаштириш;
- Бухоро жайронлар питомнигини туристик жойга айлантириш;
- ёшлар туристик форумини ўтказиш.
Изоҳ (0)