Президентнинг тегишли қарори билан Гаяне Умерова Маданият ва санъатни ривожлантириш жамғармаси раиси лавозимига тайинланди, деб хабар бермоқда ЎзА.
2023 йил 1 июндаги президент қарорига мувофиқ, у бир вақтнинг ўзида UNESCО бўйича Ўзбекистон Миллий комиссиясининг раиси ҳисобланади.
Гаяне Умерова 2008 йилда Тошкент шаҳридаги Халқаро Вестминстер университети (бакалавр), 2012 йилда эса Sotheby’s Санъат институти ва Манчестер университети (магистратура)ни тугаллаган. Sotheby’s aукцион уйида, Victoria&Albert музейи (Буюк Британия)да ҳамда Жорж Помпиду маркази (Франция)да малака оширган.
У 2008—2017 йилларда Ўзбекистон тасвирий санъат галереясининг Кўргазмалар ва жамғармалар бўлимида етакчи мутахассис бўлиб, 2017 йилдан бошлаб Маданият вазирлиги ҳузуридаги Санъат ва маданиятни ривожлантириш жамғармасининг молия бошқаруви бўлими бошлиғи лавозимида фаолият юритган.
Тайинловга қадар 2020 йилнинг декабридан буён Маданият ва санъатни ривожлантириш жамғармасининг ижрочи директори ва Ўзбекистоннинг UNESCО ишлари бўйича Миллий комиссияси бош котиби лавозимларида ишлаб келаётганди.
Изоҳ (0)