Хонанда Майли Сайрус концерт пайтида тиббий ёрдамга муҳтож бўлганидан кейин шоу-бизнесдан кетиш ҳақида ўйлаган. Бу 2023 йилги “Янги йил” шоуси пайтида содир бўлган, Майли афсонавий Доллй Партон билан бир саҳнада чиқиш қилганида, унинг тухумдон кистаси ёрилиб кетган.
“Менга шошилинч тиббий ёрдам керак эди, лекин биз барибир чиқишни давом эттиргандик”, деди Сайрус Зейн Лоунинг подкастида.
Хонанда ўз соғлиғидан хавотирга тушди ва продюсери Лорне Майклзга саҳнадан кетишни хоҳлаётганини айтди. “Нечта хонанда ушбу ўриндиқда ўтириб, менга мусиқадан кетаётганларини айтишганини, сиз тасаввур ҳам қила олмайсиз. Ҳар бирининг ўзига хос травматик тажрибаси бор”, деган Лорне Майлига жавобан.
Натижада Лорне хонандага олти ой тикланиш учун вақт берди, ундан кейин у ишига қайтди. Тез орада Майли Сайрус ўзининг янги альбомини чиқаради, лекин у саҳнага чиқишга тайёр эмас. Бундан ташқари хонанда овоз пайчаларида полип борлигини, шу сабабли унга узоқ вақт давомида концерт бериш жуда қийинлигини айтди.
Изоҳ (0)