Юлдузлик мақоми нафақат шон-шуҳрат, балки пул ҳам келтиради. Муваффақиятга эришган кўплаб машҳурлар ушбу ресурслардан тадбиркорлик билан шуғулланиш учун фойдаланади. Кимдир ўзининг севимли ҳоббисини ривожлантириш учун сармоя киритади, яна кимдир эса кийим-кечак линиясини яратади. Қуйида ўзбек шоу-бизнесидаги таниқли аёлларнинг муваффақиятли бизнес лойиҳалари ҳақида сўз юритамиз.
1. Юлдуз Усмонова тухум фабрикаси ва хусусий клиника асосчиси
Ўзбек примадоннаси Юлдуз Усмонованинг Навоий вилоятида жойлашган My Yumurta номли товуқ фермасидаги товуқлар хонанданинг мусиқаларини эшитиб тухум қўйишар экан. Тухумлар асосан Навоий бозорида сотилади. “Товуқ етти хазинанинг бири, осон деб ўйлаганлар, тухум ўз-ўзидан пайдо бўлмайди, буни чақалоқ катта қилгандай етиштирамиз”, дейди Юлдуз.
Бундан ташқари, Mymed номли замонавий тиббиёт маркази ҳам Усмоновага тегишли бўлиб, 2021 йилдан буён беморлар дардига дармон бўлиб келмоқда. Хонанданинг айтишича, ушбу клиника учун жуда катта пул тикилиб, Ҳиндистон ва Туркиядан ускуналар олиб келинган.
2. Муниса Ризаева меҳмонхона, турфирма, тўй ва тадбирларни ташкиллаштириш хизмати ҳамда ҳалол косметика брендига эга кўп қиррали аёл санъаткорлардан бири
Retro Palace меҳмонхонаси хонанданинг энг биринчи бизнес лойиҳаларидан ҳисобланади. Муниса Ризаева Жаҳонгир Латиповга берган интервьюсида Retrо Palace меҳмонхонаси ҳақида ҳам тўхталиб ўтган эди. Унинг айтишича, ушбу меҳмонхонани 2008 йилда отаси қизи учун қуриб берган. Меҳмонхона шаҳар марказида, хонанданинг уйи яқинида жойлашган бўлиб 50 та хонадан ва 2 та катта, 500 квадрат метрли хоналардан иборат.
Муниса Латиповнинг меҳмонхонадан қанча фойда кўриши ҳақидаги саволига қуйидагича жавоб берди: “Меҳмонхонани мен бошқарган пайтларим ойига 250 минг доллар фойда келтирар эди, ҳозир эса 50-60 минг атрофида. Лекин ҳозирда меҳмонхона бутунлай дадам номига ўтиб кетган. 2008 йилларда 3 юлдузли меҳмонхоналар жуда кам эди, Бек сет, Ичан қалъа ва менинг меҳмонхонам бор эди, холос, ҳозир эса ҳар қадамда меҳмонхоналар бор”, деди Муниса.
Ritstour номли турфирмани эса синглиси Карима Ризаева билан биргаликда юритиб келмоқда. Муниса ўзининг муваффақиятли ташкиллаштирилган тўйидан илҳомланиб Mooniswedding номли тўй ва тадбирларни ташкиллаштириш билан шуғулланувчи фирма очди. Яқинда эса Муниса ўз ижтимоий тармоқларида Корея билан ҳамкорликда ўзининг ҳалол косметика линиясига асос солаётгани билан бўлишди.
3. Нилуфар Усмонова — дўкондор қўшиқчи
Mikasa by Nu — аёлларбоп дўкон бўлиб у ерда идиш-товоқлар ва уй учун турли хил декорлар сотилади.
4. Шаҳзода Муҳаммедова — серқирра бизнесвумен
Актриса, бошловчи, дизайнер Шаҳзода мода ва дизайндан таълим берувчи Shakhzoda Fashion Academy асосчиси ҳисобланади. Бундан ташқари, Milanа couture номли она ва қиз учун индивидуал кийим тикувчи ателье ҳам унга тегишли.
5. Паризода — рақс мактаби асосчиси
“Паризод” — Ўзбекистондаги биринчи рақс мактаби бўлиб, кўплаб қобилиятли раққосаларни етиштириб келмоқда.
6. Ситора Алимжонова кўпчилик Голливуд юлдузлари каби ўз косметика брендига эга
SiʼDora — табиат билан ҳамнафас, Кореяда ишлаб чиқарилувчи, актрисанинг опаси Дилдора Ҳошимова билан биргаликда асос солинган косметика бренди.
7. Феруза Норматова — актриса, блогер ва кийим дўкони эгаси
Jana byferuza 2023 йилдан буён онлайн форматда фаолият юритувчи дўкон бўлиб, Италия ва Дубай матоларидан тикилган кийим ҳамда рўмоллар билан аёллар қалбидан жой олди, 13 майда эса дўкон кўринишида очилди.
8. Райҳон Асадова ҳам ўзи каби нафис кийимлар яратади
“Нафисим.уз” — бутун дунё бўйлаб етказиб бериш имконияти мавжуд бўлган шахсий кийим бренди.
9. Замира Бешимова ўз соҳасида билганларини бошқаларга ҳам ўргатишни афзал кўрди
Talents Project — бу 4 ёшдан 17 ёшгача бўлган болаларга актёрлик маҳоратини ва бундан ташқари вокал, дефиле, рақс ва саҳна курашини ўргатувчи лойиҳа.
10. Мафтуна Шокирова бўлажак келинлар учун миллий либосларни тақдим этувчи дўкон асосчиси
“Мафтун” аёллар кийим дўкони асосан миллий йўналишдаги кийимларни тақдим этади, янги коллекциялар рекламаларида эса актриса ўзи суратга тушади.
Изоҳ (0)