Асл исмини кўпчилик билмайдиган жаҳон юлдузлари (фото)

Дунёга келганида бошқа исм қўйилган, аммо кейинроқ карьера қилиш мақсадида исмини ўзгартирган машҳурлар ҳақида маълумот бериб ўтамиз.

Жа Жа Габор

Ўтган асрнинг машҳур актрисаси америкалик Жа Жа Габор дунёга келганида ота-онаси унга Шари деб исм қўйган. Кичкиналигида исмини талаффуз қила олмаган Габорни онаси эркалаб Жа Жа деб чақирган. Кино оламида карьера қилишга қарор қилган актриса, онасининг вариантидан тахаллус сифатида фойдаланишга қарор қилган.

Грета Гарбо

Асл исми Грета Ливиса Густафссон бўлган актриса карьерасини бошлаганда режиссёр Моритс Стиллер унга жарангдор тахаллус танлашни тавсия қилган. Шундай қилиб у Грета Гарбо сифатида танилган.

Катрин Денев

Туғилганида Катрин Дорлеак деб аталган француз актрисаси моделер бўлишни орзу қилган. Аммо ўсмирлик даврида опаси Француаза Дорлеак сабаб режаларини ўзгартирган. Карьерасини бошлаганида тахаллус сифатида бувисининг фамилиясидан фойдаланишга қарор қилган.

Мишель Мерсе

Жароҳати сабаб балериналикдан кетишига тўғри келган Жослин Мерсе актрисаликка ишқибоз бўлмаган. Аммо «Retour de manivelle» фильмида суратга тушиш таклиф қилинганида фикрини ўзгартирган. Фильм режиссёри ҳар томонлама бош қаҳрамонга тўғри келадиган қизнинг исмини қўпол эшитилади деб ҳисоблаган ва унга Мишель тахаллусини олишни таклиф қилган. Шундан кейин у Мишель Морган сифатида суратга туша бошлаган.

Чарли Шин

Карлос келиб чиқиши испаниялик бўлган Мартин Шиннинг ўғли. Мартин Америкада карьера бошлаганида исмини Рамон Эстевасга ўзгартирган. Чарли эса тахаллус сифатида отасининг фамилиясидан фойдаланган.

Милла Йовович

Дунёга келганида Милитса исми қўйилган хонандани уйда ҳамма Мила деб чақирган. Суратга тушишни бошлаганида тахаллус сифатида исмининг қисқартмасидан фойдаланган.

Брэд Питт

Актёрнинг ҳужжатларида унинг исми Уильям Брэдли Питт эканини ким ҳам билибди дейсиз. Бошқа актёрлар сингари у ҳам исмини қисқартиришга қарор қилган ва Брэд Питт деб атала бошлаган.

Майли Сайрус

Дунёга келганида Дестини Хоуп Сайрус деб аталган қўшиқчининг оила аъзолари уни Майли деб атаган. Бунга ўрганиб қолган Сайрус ҳақиқий исмини Майлига ўзгартирган.

Вин Дизель

Асл исми Марк Синклер бўлган таниқли актёр асосий вақтини ўгай отаси — Ирвин Винсент билан ўтказган. Энергияга тўла экани сабаб дўстлари Дизель деб атаган актёр кейинроқ ўгай отасининг фамилияси қисқартмасидан тахаллус сифатида фойдаланган.