Кўпгина Голливуд юлдузлари оила ва никоҳ борасида тез-тез муаммоларга дуч келса-да, аксариятининг муносабатлари ажрашиш билан тугамайди. Улар орасида бир неча йиллар давомида бахтли яшаб келаётган жуфтликларни эътиборингизга ҳавола этамиз.
Сўнгги бир неча йил ичида дунёга машҳур жуфтликлар ажрашди: 2016 йилда Бред ва Анжелинанинг ажрашиши кўпчиликни ҳайратда қолдирди, бир мунча вақт ўтгач, Майли Сайрус ва Лиам Хемсворт, Кайли Женнер ва Трэвис Скотт, Ким Кардашьян ва Канье Уэст, Адель ва Саймон Конекки ва бошқалар. Бироқ ҳар бир қайғули ажрим учун илҳомлантирувчи чиройли севги ҳикоялари ҳам мавжуд.
Синди Кроуфорд ва Ренди Гербер – 26 йил бирга
Бизнесмен Ренди Гербер супермодель Синди Кроуфорд билан танишганида, у Ричард Гирнинг рафиқаси эди. 1995 йилда модель актёр билан ажрашганидан сўнг Гербер билан учрашишни бошлади. Улар 1998 йил 29 майда турмуш қуришди ва икки фарзанди бор: қизи Кая ва ўғли Пресли.
Райан Гослинг ва Ева Мендес – 10 йил
Райан Гослинг ва Ева Мендес 2010 йилда «Қарағайлар остидаги жой» фильмининг суратга олиш жараёнида танишган. Шундан кейин жуфтлик ўз муносабатларини эҳтиёткорлик билан яшириб, шахсий ҳаётларини сир сақлашга жиддий ёндашади. Фақатгина фильмнинг премьерасида Райан ва Ева қизил йўлакда бирга биргаликда кўриниш берди ва улар орасидаги муносабат барчага маълум бўлди.
Райан Рейнолдс ва Блейк Лайвли – 11 йил
Райан Рейнолдс ва Блейк Лайвининг муносабатларини учта сўз билан ифодалаш мумкин: қўллаб-қувватловчи, қизиқарли ва ажойиб. Жуфтлик 2010 йилда танишган, 2011 йилда учраша бошлаган ва 2012 йилда турмуш қурган. Жуфтлик ҳозирда учта қизни тарбияламоқда.
Дэвид ва Виктория Бекҳэм – 24 йил
1997 йилда Дэвид Бекҳэм ва Виктория учраша бошлагани маълум бўлгач, бутун дунё эътиборини уларга қаратди. Британиялик жуфтлик 1999 йилда турмуш қурган ва ҳозирда тўрт фарзандни тарбияламоқда.
Том Хэнкс ва Рита Уильсон – 36 йил
Том Хэнкс бир куни Опра Уинфрига шундай деган эди: «Мен бахтли одамман. Балки Рита мендан яхшироқ инсонни учратиши ҳам мумкин эди, лекин биласизми, инсоннинг вақти-вақти билан лотереясига ютуқ чиқади». Эр-хотин 1981 йилда танишишган, 1988 йилда турмуш қурган ва ўшандан бери бахтли ҳаёт кечирмоқда.
Jay-Z ва Бейонсе – 20 йил
Бейонс Ноулз ва Jay-Z 2002 йилда бир нечта қўшиқ устида ишлагандан сўнг учрашишни бошлади. Ўшандан бери улар бирга: мусиқачилар нафақат учта фарзандни тарбиялашди, балки биргаликда Тидал энг йирик стриминг хизматларидан бирига эгалик қилади.
Жон Красински ва Эмили Блант – 12 йил
Жон Красински ва Эмили Блант 2008 йилда дўсти орқали учрашган. 2020 йил июль ойида жуфтлик никоҳининг 10 йиллигини нишонлади. Уларнинг иккита қизи бор: Ваёлет ва Хейзел.
Дэниэл Модер ва Жулия Робертс – 20 йил
Голливуддаги энг кучли жуфтликлардан яна бири Жулия Робертс ва оператор Дэниэл Модердир. Улар 2000 йилда «Мексикалик» фильмининг суратга олиш майдончасида танишган. Ўша пайтда Жулия Бенжамин Братт билан учрашарди, Дэниэл эса оилали эди, аммо бу севишганлар учун тўсиқ бўлмади. Икки йил ўтиб, 2002 йилда улар турмуш қурди.
Мэттью Бродерик ва Сара Жессика Паркер – 29 йил
Сара Жессика Паркер Роберт Дауни билан ажрашгандан сўнг у Мэттью билан 1997 йилда, биринчи учрашувдан беш йил ўтиб, улар турмуш қурди. Бахтли оиланинг сири нимада деган саволга Сара Жессика: «Мен, албатта, муносабатлар бўйича мутахассис эмасман, лекин сенга 100 фоиз ишонадиган одам билан бирга бўлишинг керак. Агар бундай бўлмаса, унда муносабатлардан фойда йўқ», – деб жавоб қайтарди.
Дон Гаммер ва Мерил Стрип – 43 йил
Мерил Стрип Голливуд анъаналарини бузди ва 1978 йилда актёрга эмас, балки ҳайкалтарошга турмушга чиқди. Актрисанинг турмуш ўртоғи Дон Гаммер ҳаётини сир сақлашни афзал кўради. Эр-хотиннинг тўрт фарзанди бор.
Майкл Дуглас ва Кэтрин Зета-Жонс – 25 йил
1996 йилда Майкл Дуглас ўзидан 25 ёш кичик бўлган Кэтрин Зета-Жонсни учратган. Эр-хотин 2000 йилда турмуш қурган. Улар қийин пайтларни, жумладан, Майклда томоқ саратони ва 2013 йилда оилавий муаммоларни бошдан кечиришга муваффақ бўлишди, аммо эр-хотин муносабатларини сақлаб қолди. Уларнинг икки фарзанди бор: ўғли Дилан ва қизи Кэрис.
Энрике Иглесиас ва Анна Курникова – 20 йил
Спортчи Анна Курникова профессионал теннисни тарк этишга муваффақ бўлди, аммо унинг Энрике Иглесиас билан муносабатлари ҳали ҳам мустаҳкам. Жуфтлик 2001 йилда учраша бошлаган ва тахминан 2008 йилда турмуш қуришган, бироқ улар ҳалигача тўй тафсилотларини сир сақлашади. Уларнинг учта фарзанди бор: 2017 йилда туғилган эгизаклар Николай ва Люси ва 2020 йилда туғилган қизи Маша.
Стедман Грэм ва Опра Уинфри – 35 йил
Машҳур телебошловчи Опра Уинфри муваффақиятли карьера ва шахсий ҳаётни бирлаштириб бўлмайди деган барча стереотипларни йўқ қилади. У ёзувчи ва бизнесмен Стедман Грэм билан 1986 йилдан бери бирга ҳаёт кечириб келмоқда.
Изоҳ (0)