Котиба, фаррош, жиннихонада юк ташувчи: Голливуд юлдузлари машҳур бўлгунга қадар қаерда ишлаган?

Таниқли одамлар кўпчилик назарида юлдуз бўлиб туғилганга ўхшайди. Ялтироқ ва жозибали ҳаётдан олдин уларнинг баъзилари ресторанларда бутерброд ёки музқаймоқ сотувчиси, айримлари котиба, баъзилари эса руҳий касалликлар шифохонасида юк ташувчи бўлиб ишлаганини ҳеч ким тасаввурига сиғдиролмайди.

Кейт Уинслет — озиқ-овқат дўконида сотувчи

Кино оламига кириб келишидан олдин Кейт Уинслет гастрономда пештахта ортида ишлаган. Бир куни у мижозига куркали бутерброд тайёрлаётганида бирдан унга қўнғироқ бўлиб, «Самовий мавжудот» фильмига таклиф қилинади. «Титаник»нинг бўлажак юлдузи бу қўнғироқдан шу қадар ҳаяжонга тушадики, ҳатто буюртмани ҳам унутиб, ишидан чиқиб кетади.

Хью Жекман — жисмоний тарбия ўқитувчиси

Хью Жекман Росомаха ролини ўйнашдан олдин, тахминан, бир йил давомида Англиядаги Аппингем мактабида жисмоний тарбия ўқитувчиси бўлиб ишлаган.

Женнифер Энистон – телемаркетолог

Женнифер Энистон ҳаётини ўзгартириб юборган «Дўстлар» фильмидаги Рейчел ролидан олдин телемаркетолог бўлиб ишлаган. Энистоннинг сўзларига кўра, у шу қадар ёмон ишлаганки, умуман савдо қила олмаган.

Вупи Голдберг — дафн қилиш бюросида гримёр

Вупи Голдберг актриса бўлишдан олдин турли соҳаларда ишлаган. Шу жумладан, дафн қилиш бюросида гримёр сифатида ҳам, чунки у гўзаллик мактабида ўқиган ва лицензияга эга косметолог бўлган.

Дастин Хоффман — театр гардероби хизматчиси

1950 ва 1960 йилларда Дастин Хофман ва унинг икки дўсти Жин Хекман ва Роберт Дувал бирга яшаб, тирикчилик учун ҳар қандай ишни қилган. Мисол учун, Yellow Pages телефон маълумотномаси учун ҳарф терувчи, Гавайи гулчамбарлари ясовчи, театрда гардероб хизматчиси. Шунга қарамай, актёр ўз фаолиятидан уялмаслигини бир неча бор таъкидлайди.

Гвен Стефани — музқаймоқ сотувчи

Гвен Стефани машҳурликка эришгунга қадар кўп йиллар давомида овқатланиш тармоқларида шарикли музқаймоқ сотган. Бундан ташқари, у ўзини универмагда визажист сифатида ҳам синаб кўрган.

Мик Жаггер — жиннихонада юк ташувчи

Мик Жаггер дунёга машҳур The Rolling Stones гуруҳи аъзоси бўлгунга қадар Бексли руҳий касаллар шифохонасида юк ташувчи бўлиб ишлаган.

Стивен Кинг — ёнилғи қуйиш шохобчасида ишчи

ХХ аср охирида илмий-фантастик жанрни қайта тиклашга ҳисса қўшган муаллиф 1966 йилда АҚШнинг Мейн штатидаги энг йирик университетга ўқишга киради. Ўқиш пулини тўлаш учун Стивен фаррош, ёнилғи қуювчи, кир ювиш ходими бўлиб ишлаган.

Майли Сайрус – фаррош

Уни машҳур қилган Disneyнинг «Ханна Монтана» сериалида суратга тушишдан олдин Майли Сайрус компанияда фаррош бўлиб ишлаган. У бу ишни 11 ёшидан бери қилиб келган. Унинг вазифаларига хоналарни тозалаш ва ҳожатхоналарни ювиш кирган.

Женнифер Лопез – котиба

Женнифер Лопез — замонамизнинг энг машҳур актрисаларидан бири. У раққоса, актриса ва қўшиқчи сифатида ўзининг истеъдодини дунёга намойиш этди. Аммо бир пайтлар Жей Ло адвокатлик идорасида котиба бўлиб ишлаган. Унинг вазифаларига полиция ва ўт ўчирувчилар учун солиқ декларациясини тўлдириш бўлган.