Ашаддий мухлислари таъқибига учраган машҳурлар (фото)

Кўпчилик машҳур инсонларга ҳавас қилади, аммо бундай шуҳратнинг бошқа томони ҳам бор. Уларнинг ҳаётида тинмай таъқиб қиладиган ва ҳатто уларни ўлдиришга ҳаракат қиладиган руҳий касал мухлислар ҳам учраб туради. Худди шундай ҳолатга тушган таниқли шахслар билан танишинг.

Бритни Спирс

Бир кекса одам Бритни билан бирга бўлиш учун Япониядан учиб келган. У хонандага 300 дан ортиқ хат ва фотосурат юборган. Бу ҳолат унинг Бритнига яқинлашиши тақиқланиши билан якунланган.

Бред Питт

Афина Роландо исмли мухлисасини полиция том маънода актёрнинг каравотида қўлга олган. Аммо ўша пайт Бред уйда бўлмаган: аёл дераза орқали кириб, унинг костюмларидан бирини кийган ва каравотида ухлаган.

Мадонна

Польшалик Гжегож Метлок Мадоннанинг ётоқхонасига девор орқали кирган ва миш-мишларга кўра, унинг томоғини кесмоқчи бўлган. Яхшиямки, хавфсизлик хизмати уни пайқаб қолган, шундан кейин у ҳеч қачон қўшиқчига яқинлашмаган.

Блейк Лайвли

Актрисага мухлислик қилган эркак у билан метафизик алоқаси борлиги ҳақида бутун дунёга жар солган. Кейинчалик у Блейк ва унинг онаси билан учрашишга бир неча бор уриниб кўрган.

Женнифер Лоуренс

Канадалик номаълум эркак Женни ва унинг акасига Лоуренснинг эри эканлиги ҳақида хатлар ёзган. Кейинчалик эса у ўзини Исо Масиҳнинг янги тимсоли деб таништирган.

Майли Сайрус

Жейсон Луис Ривера исмли эркак қайчи билан қуролланиб, ўзини Сайруснинг эри, баъзан эса дўсти деб атаб, унинг уйига киришга бир неча бор уринган. Шундан сўнг уни руҳий касалликлар шифохонасига олиб кетишган.

Стивен Спилберг

Сара Чар исмли аёл тўппонча сотиб олиб, режиссёрни ўлдиришга ҳаракат қилган. Натижада унга нисбатан Стивенга 100 метргача яқинлашмасликка ва ижтимоий тармоқларда унга ёзмасликка тақиқ қўйилган.

Беёнсе

Басси Эсси исмли аёлнинг гапларига кўра, қўшиқчининг ўзига ўхшаш қиёфадоши бор ва у кўпинча Беёнсенинг ўрнига саҳнада намоён бўлади. Аёл бу ҳақиқатни бутун дунёга айтмоқчи бўлган. Қўшиқчи эса унинг ўзи ва оиласига яқинлашишини суд орқали тақиқлаб қўйган.

Ким Кардашьян

Номаълум эркак Ким Кардашьянга бўлган севгисига ким тўсқинлик қиладиган бўлса, уни ўлдиришини айтган. У Кимни бўлажак фарзандларининг онаси деб ҳисоблаган. Эркак руҳий касалхонага юборилган.

Шерон Стоун

Италиялик Агостино Помато унинг уйи дарвозаси ёнида қўлга олинган. У Италиядан актрисага уйланиш учун келганини ва руҳий касалхонадан бўлса ҳам, унга хат ёзишда давом этишини айтган.

Ума Турман

2008 йилда Жек Жордан актрисанинг ўлими тасвирланган расмлари бўлган хатлари, шунингдек, унинг уйига киришга урингани учун ҳибсга олинган.