Индианадаги Нотр-дам университети олимлари АҚШ ва Канадада сотилувчи 200 дан ортиқ машҳур косметика воситаларини синовдан ўтказиб, уларнинг аксариятидан хавфли касалликларни ривожлантиришга боғлиқ юқори даражадаги токсик моддалар борлигини аниқлаган, деб хабар беради «Korrespondent.net».
Натижаларнинг кўрсатишича, тональ креми ва кўзлар учун маҳсулотларнинг 56 фоизида, лаб бўёқларининг 48 фоизида ва киприк учун тушларнинг 47 фоизида юқори даражадаги фтор аниқланган бўлиб, бу пер ва полифторалкил воситаларидан (PFAS) фойдаланилганини кўрсатади.
Биринчи навбатда, ушбу гуруҳга «барқарор» ва «ювилмайдиган» воситалар киритилган (одатда PFAS сувга бардошлилик ва плёнка ҳосил бўлишини ошириш учун қўшилади). Таъкидланишича, истеъмолга таъсир хавфи ва саноатнинг кўлами ҳисобга олинадиган бўлса, мазкур натижалар алоҳида хавотирни юзага келтиради.
PFAS — қон оқимига тушиб, организмда тўпланиб қоладиган жуда барқарор кимёвий восита ҳисобланади. Бундан ташқари, бу каби маҳсулотларни ишлаб чиқариш ва утилизация қилишда атроф-муҳитга етказиладиган зарарлар хавфи ҳам мавжуд.
PFAS’дан косметикадан ташқари, эримайдиган идиш-товоқларда, махсус қопламали матолар ва фаст-фуд қадоқларида фойдаланилади. Улар табиий усулда парчаланмайдиган «абадий кимёвий воситалар» сифатида маълум.
PFAS’нинг аниқланишига оид тадқиқотлар уни саратон, гипертония, қалқонсимон без касалликлари ва болаларда туғма нуқсонларнинг ривожланишига боғлайди. Эътиборли жиҳати, PFAS-модда аниқланган барча маҳсулотларнинг фақат биттасининг қадоғида у ҳақида маълумот келтирилган.
Мавзуга доир: Ёз мавсумига мўлжалланган 7 та тональ крем
Изоҳ (0)