Таниқли бюти-блогер, визажист ва тадбиркор Гоар Аветисян Россия солиқ органларига 55 миллион рубль (қарийб 670 минг доллар) қарздор эканлиги айтилмоқда.
Солиқларни тўламаса, блогернинг ҳисоб рақамлари блокланади, кейин эса жиддийроқ санкциялар қўлланилиши мумкин. Аветисян ижтимоий тармоқларда 12 миллиондан ортиқ обуначига эга. У блогерлик фаолиятидан ташқари Goar косметика бренди, Москвадаги Goar Avetisyan Beauty гўзаллик студияси ва Goar Avetisyan School мактабининг эгаси сифатида танилган. Ҳозирда Аветисян 31 ёшда, у биринчи миллионини 18 ёшида топган.
Гоар Аветисян нафақат Россияда, балки МДҲ мамлакатларида ҳам жуда машҳур. Хусусан у Тошкентга тез-тез келиб, макияж бўйича мастер-класслар ўтказиб туради.
Изоҳ (0)