Президент Санэпидқўм фаолияти, стандартлаштириш ва сертификатлаштириш тизимини танқид қилиши, Сирдарёдаги раҳбарлар диктантдан қониқарсиз баҳо олиши, Урганч аэропортини Жанубий Корея компанияси модернизация қилиши ва бошқариши – “Дарё” нашри бугун, 18 апрелда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ўзбекистонда “яшил” энергия сертификатларини бериш тартиби ўзгартирилди
Ўзгартиришлар уч ой ўтиб кучга киради.
Марказий банк Telegram орқали янгича фирибгарлик тарқалганидан огоҳлантирди
“Бир зумда кредит олиш” мазмунидаги ёлғон хабарлар реклама қилинмоқда.
“Ўқувчилар сафидан чиқарилган” — тунги клубда раққосалик қилган 14 ёшли қиз бўйича қўшимча маълумот берилди
Хоразм вилояти Мактабгача ва мактаб таълими бошқармаси қиз вилоятдаги ҳеч бир мактаб рўйхатида қайд қилинмаганини билдирди.
Сирдарёда ҳокимлик масъул ходими 30 минг доллар, Тошкентда банк бўлими бошлиқлари 85 минг доллар олаётганида ушланди (видео)
Хоразм, Андижон ва Фарғона вилоятларида ҳам ер майдонлари билан боғлиқ ноқонуний ҳолатлар аниқланиб, жиноят ишлари қўзғатилди.
Сирдарёдаги раҳбарлар диктантдан қониқарсиз баҳо олди
Давлат идоралари раҳбар ходимларининг саводхонлик даражаси текширилди.
“Ўзгидромет” 8 та вилоятда сел хавфи бўлишидан огоҳлантирди
Айрим ҳудудларда ёмғир сувлари тўпланиши эҳтимоли бор.
Урганч аэропортини Жанубий Корея компанияси модернизация қилади ва бошқаради
Аэропортни давлат-хусусий шериклик асосида модернизация қилиш ва бошқариш бўйича тендерда Incheon International Аirport Corporation ғолиб деб топилди.
“Биз учун қаттиқ ‘сигнал’ бўлиши керак”. Шавкат Мирзиёев дунёдаги иқтисодий ва савдо чекловларининг Ўзбекистонга таъсири ҳақида
Президентнинг қайд этишича, катта импорт божлари қўйилган давлатлар агрессив савдо сиёсатини юритиши мумкин.
Шавкат Мирзиёев тадбиркорларга тўсиқ бўлаётган раҳбарларга қаттиқ чора кўрилишини айтди
Президент ҳозирги шароитда хатарларни тўғри баҳолаб, тадбиркорларга йўл очиш кераклигини таъкидлади.
“Биз маҳсулотларнинг бозорга киришини енгиллаштириб, уни реализациясидаги назоратни кучайтирамиз” — президент
Мутасаддиларга “Бозор назорати тўғрисида”ги қонун лойиҳасини ишлаб чиқиш топширилди.
Президент Санэпидқўм фаолияти, стандартлаштириш ва сертификатлаштириш тизимини танқид қилди
Хусусан, 300 долларлик мопедни стандартдан ўтказиб, сертификат олишга яна шунча маблағ кетаётганини, айрим тиббий ускуналарни рўйхатдан ўтказиш харажати уларнинг нархидан 10 карра қимматлигини айтди.
Ўзбекистонда 1 июлдан бошлаб бирорта товар экспортига чеклов бўлмайди
Фақат 86 та товар гуруҳига кирган хом ашё ва ижтимоий аҳамияти юқори маҳсулотларга нисбатан экспорт божлари жорий қилинади.
Солиқ-божхона сиёсати ва маъмурчилигини янги босқичга олиб чиқиш бўйича асосли таклифлар ишлаб чиқилади
Вазирларнинг ўз соҳасидаги йўриқнома ва бошқа идоравий ҳужжатларни қабул қилиш бўйича ваколати аниқ белгиланиши лозимлиги таъкидланди.
Тошкентда танишининг Tesla’сини ёқиб юборган шахс ушланди (видео)
Ҳозирда жиноят иши қўзғатилган.
Тошкентда фуқаро ўйинчоқ тўппонча билан банкни ўмармоқчи бўлди (видео)
Ҳолат юзасидан расмий маълумот берилмади.
Сирдарёда бир неча бор жиноят содир этган жиноий гуруҳ қўлга олинди (видео)
Ҳозирда терговга қадар текширув давом этмоқда.
Ўзбекистонда 2025 йили қуввати 65 мВт бўлган 1 185 та микро ГЭС барпо этилади
Президентга энергетика соҳасидаги вазифалар ижроси ва янги лойиҳалар юзасидан ахборот берилди.
Самарқандда эркак 17 ёшли қайнукасини калтаклади
Ҳолат юзасидан терговга қадар текширув ҳаракатлари олиб борилмоқда.
Изоҳ (0)