Канада шимолида палеонтологлар анкилозаврлар оиласига мансуб янги динозавр турининг изларини аниқладилар. Тахминан 100 миллион йиллик ноодатий излар Британия Колумбиясининг қадимдан қазилма қолдиқлари билан машҳур Tumbler Ridge ҳудудидан топилди. Тадқиқот натижалари Journal оf Vertebrate Paleontology журналида эълон қилинди.
Таъкидланишича, уч бармоқли излар анкилозаврларга хос бўлган излардан кескин фарқ қилгани сабабли, олимлар уларни янги тур сифатида ажратишга қарор қилишган.
Орқа оёқларнинг уч бармоқли излари бўр даври ётқизиқларида аниқланган. Орқа оёқларида тўрттадан бармоғи бўлган бошқа гуруҳ вакилларидан фарқли ўлароқ, бу динозавр учта йирик бармоқли из қолдирган. Таҳлиллар шуни кўрсатдики, улар илгари тавсифланмаган, Руоподосаурус cлава деб номланган турга тегишли бўлиши мумкин.
Изларнинг рақамли қайта тиклаш усули ҳайвоннинг тахминий кўринишини аниқлашга имкон берган. У тахминан 5-6 метр узунликда, тиканлари ва зирҳи бор, эҳтимол думида тўқмоқ ҳам бўлган. Эътиборли жиҳати шундаки, олдинги панжаларнинг излари — ярим ой шаклидаги бешта бармоғи ҳам сақланиб қолган. Барча излар ЮНЕСКОнинг Tumbler Ridge геопаркида ва Ғарбий Алберта ҳудудида топилди.
Шу пайтгача анкилозавридлар Шимолий Америка ҳудудидан бўр даврининг ўрталарида, тахминан 100—84 миллион йил олдин йўқ бўлиб кетган деб ҳисобланар эди. Бироқ бу топилма мазкур фаразни инкор этиб, ўша даврда қитъада бир вақтнинг ўзида иккита оила — анкилозавридлар ва нодозавридлар яшаганлигини исботлади.
Аввалроқ, Янги Зеландия олимлари 2200 йилга келиб ер юзидаги судралиб юрувчилар гигант ҳажмга етишини аниқлашганди.
Гонконгда илк бор тахминан 145—66 миллион йил олдин яшаган бўр даври динозавр қолдиқлари топилгани хабар берилгади. Шунингдек, хитойлик олимлар Хитой жануби-шарқидаги Сзянси провинциясида тошга айланган дунёдаги энг кичик динозавр тухумини топгани маълум қилинганди.
Изоҳ (0)