Ҳиндистоннинг Руркиэ технология институти ва Ҳиндистон геология хизмати олимлари мамлакат ғарбида 167 миллион йил аввал яшаган ўтхўр динозаврларнинг қолдиқларини топди. Бу ҳақда Press Trust of India хабар бермоқда.
Ражастан штатининг Жайсалмер шаҳри яқинидаги Тар чўлида қазиш ишлари тўрт йилдан ортиқ давом этмоқда. Топилган қолдиқлар дикреозаврлар оиласига мансуб динозаврга тегишли. Палеонтологлар динозавр умуртқа поғонасининг бир қисмини, бўйин ва тана қисми суякларини, қуйруқ ва қовурғаларини қазиб олишга муваффақ бўлишди.
Ҳинд олимларининг таъкидлашича, гап дикреозаврларнинг янги турини кашф этиш ҳақида кетмоқда. Улар топилган динозаврга қазишмалар олиб борилган Тар чўли номидан келиб чиққан ҳолда Tharosaurus indicus номини беришди.
Дикреозаврлар оиласининг динозаврлари Юра даврининг ўрта даврида яшаган. Улар узун бўйин ва қуйруқ, кичик бош, шунингдек, замонавий филларнинг оёқларига ўхшаш катта оёқ-қўллари билан ажралиб турарди. Ушбу турдаги қадимий калтакесакларнинг қолдиқлари биринчи марта Ҳиндистонда топилган.
Изоҳ (0)