Бир ҳафталик иш билан банд бўлганингиздан сўнг, иссиқ адёлга ўранган ҳолда қайноққона чой ичиб, яхши фильм томоша қилишни хоҳлайсиз. Агар дам олиш кунларини оилангиз билан ўтказмоқчи бўлсангиз, қуйидаги фильм ёки мультфильмлар биргаликда томоша қилиш учун айни муддао.
“Лео”
Мазкур анимацион фильм бутун умрини мактаб жонли бурчагида ўтказган 74 ёшли калтакесак Лео ва унинг дўсти тошбақа Сквиртлнинг саргузаштлари ҳақида ҳикоя қилади. Бир куни Лео ўзи тегишли бўлган тур 75 йил яшашини билиб қолади ва бир йил умри қолганини тушунади. Айтганча, оригинал мультфильмда калтакесакка Адам Сэндлер овоз берган.
IMDb рейтинги: 7.0.
“Шазам! Худолар ғазаби”
Ушбу суперқаҳрамонлик ҳақидаги комедия фильми DC Comics’нинг худди шу номдаги қаҳрамони ҳақида ҳикоя қилади. Фильм 2019 йилда чиққан “Шазам!” фильмининг давоми. Воқеалар Aтлас титанининг қизлари синган сеҳрли таёқни таъмирлаш ва ундан фойдаланиш учун ўғирлаши билан бошланади. Фильмда бош ролни комедиячи ва қўшиқчи Закари Леви ижро этган.
IMDb рейтинги: 6.0.
“Йўқолган қизлар ороли”
Фильмда оқим сабаб номаълум оролга келиб қолган опа-сингиллар ҳақида ҳикоя қилинади. Сюжет давомида улар юзлаб денгиз шерлари ва улкан денгиз филлари бўлган сув ғорига келиб қолади. Қизлар узоқ майоқ томон йўл олишмоқда ва бу йўлда улар ҳеч қачон таслим бўлмаслик ва бирга қолиш қанчалик муҳимлигини тушунади.
IMDb рейтинги: 8.0.
“Юра даври уй ҳайвонлари”
Бир куни Жуниор исмли кичик динозавр бизнинг дунёга келиб қолади ва жиддий қийинчиликларга дуч келади. Аммо икки ўсмир унга ёрдам беришга қарор қилади ва шу билан бирга ёвуз одамларни динозаврлар мамлакатига сеҳрли кириш жойидан ҳайдаб чиқаради. Уларга фильм қаҳрамонларидан бирининг жасур бувиси ёрдам беради.
IMDb рейтинги: 6.1.
“Чўл шаҳзодаси”
Бу фильм бербер қабиласидан бўлган болакай ва унинг Саҳрои Кабир чўлидаги саргузаштлари ҳақида ҳикоя қилади. Бир куни у туя боласини учратиб қолади ва унга ғамхўрлик қилади. Тез орада бўталоқ пойгаларда қатнашиш учун зарур бўлган тезлик ва чидамлиликка эга эканлигини тушунади. Агар у пойгада ютса, қишлоғини ҳам, очкўз савдогарлар аллақачон кўз тикиб қўйган туясини ҳам сақлаб қолади.
IMDb рейтинги: 6.1.
“Қутқарувчи ит Руби”
Мазкур фильм реал воқеаларга асосланган бўлиб, қидирув-қутқарув гуруҳига қўшилишни орзу қилган Даниэль О’Нилнинг саргузаштлари ҳақида ҳикоя қилади. Аммо бунинг учун у Руби лақабли қайсар ит билан дўстлашишга мажбур бўлади.
IMDb рейтинги: 7.2.
“Элементар”
Бу икки хил элемент вакиллари бир-бирларини севиб қолишлари ва дарҳол бир қатор муаммоларга дуч келишлари ҳақидаги мультфильм. Анимацион фильм устида ишлашга 7 йил кетган. “Элементар” бир нечта мукофотларга, шу жумладан “Олтин глобус”га номзод бўлган.
IMDb рейтинги: 7.0.
“Соник кинода 2”
Фильмнинг иккинчи қисмида машҳур Соник ва Тейлз компьютер ўйини қаҳрамонлари яна доктор Роботник ва унинг янги ёрдамчиси ехидна Наклзга қарши чиқади. Иккаласи ҳам Зумрад устани биринчи бўлиб топишга ва рақибларини алдашга ҳаракат қилмоқда. Томошабинлар қаҳрамонлар саргузаштларини кузатиб боришдан шунчалик завқланишдики, франшиза ижодкорлари ўта тезкор типратикан ҳақидаги учинчи фильмнинг яқин орада экранга чиқишини эълон қилди.
IMDb рейтинги: 6.5.
“Матильда”
Ушбу 2022 йилги мусиқий фильм китобларни яхши кўрадиган ва ғаройиб қобилиятга эга бўлган қиз ҳақидаги ҳикоянинг яна бир экранга мослашуви. Фильмда асосий ролларни ёш Алиша Вейр ва Кранчем Ҳолл мактабининг шафқатсиз директори Транчбулл хонимни гримда деярли таниб бўлмайдиган Эмма Томпсон ўйнаган.
IMDb рейтинги: 7.0.
Изоҳ (0)